![\"\"](\"http:\/\/www.maranatha.al\/wp-content\/uploads\/2020\/08\/en2006lp.nfo-o-c5.jpg\")
<\/figure>\n\n\n\n\u00cbsht\u00eb interesante t\u00eb dim\u00eb se, nd\u00ebr t\u00eb gjitha mrekullit\u00eb q\u00eb Jezusi ka b\u00ebr\u00eb gjat\u00eb jet\u00ebs s\u00eb Tij publike, vet\u00ebm p\u00ebr k\u00ebt\u00eb episod t\u00eb mrekulluesh\u00ebm t\u00eb Shnd\u00ebrrimit t\u00eb Tij mbi \u00abnj\u00eb mal t\u00eb lart\u00eb\u00bb<\/em> – q\u00eb sipas tradit\u00ebs \u00ebsht\u00eb Mali Tabor n\u00eb Galile – Kisha ka nj\u00eb fest\u00eb q\u00eb e p\u00ebrkujton n\u00eb m\u00ebnyr\u00eb t\u00eb ve\u00e7ant\u00eb. K\u00ebt\u00eb episod, me sa duket, e kishin shum\u00eb p\u00ebr zem\u00ebr edhe apostujt, duke qen\u00eb se edhe tre ungjijt\u00eb sinoptik\u00eb na e sjellin gati nj\u00ebsoj tregimin e tij dhe po ashtu b\u00ebn edhe Sh\u00ebn Pjetri n\u00eb letr\u00ebn e tij t\u00eb dyt\u00eb, sikurse e d\u00ebgjuam n\u00eb leximin e dyt\u00eb.<\/p>\n\n\n\n R\u00ebnd\u00ebsin\u00eb e k\u00ebtij episodi n\u00eb jet\u00ebn e Jezusit e\ngjejm\u00eb jo vet\u00ebm tek fakti q\u00eb ka shum\u00eb prani t\u00eb s\u00eb mbinatyrshmes n\u00eb t\u00eb, por edhe\ndetajet q\u00eb e mb\u00ebshtjellin at\u00eb episod kan\u00eb nj\u00eb dometh\u00ebnie shum\u00eb t\u00eb r\u00ebnd\u00ebsishme\nn\u00eb lidhje me misterin e Krishtit.<\/p>\n\n\n\n Por, e tham\u00eb, me sa duket, ky episod i mrekulluesh\u00ebm ka qen\u00eb gjithnj\u00eb shum\u00eb i dashur dhe plot me dometh\u00ebnie edhe p\u00ebr Kish\u00ebn e shekujve n\u00eb vazhdim. Festa e sotme i ka fillesat e veta qysh n\u00eb she\u00adkullin VII, at\u00ebher\u00eb kur mbi Malin Tabor u nd\u00ebrtuan dy bazilika q\u00eb iu kushtuan k\u00ebtij misteri n\u00eb jet\u00ebn e Jezusit. Megjithat\u00eb, p\u00ebr t\u2019u p\u00ebrhapur n\u00eb mbar\u00eb Kish\u00ebn Katolike, do t\u00eb duhej t\u00eb kalonin shum\u00eb shekuj t\u00eb tjer\u00eb, sepse vet\u00ebm n\u00eb shekullin XV Papa do ta vendoste k\u00ebt\u00eb fest\u00eb n\u00eb kalendarin romak. <\/p>\n\n\n\n Nga Ungjilli dim\u00eb se pak dit\u00eb para se t\u00eb ndodhte ky episod i mrekulluesh\u00ebm, Jezusi u kishte th\u00ebn\u00eb apostujve se \u00abi duhej t\u00eb shkonte n\u00eb Jerusalem, t\u00eb vuante shum\u00eb prej an\u00ebs s\u00eb pleqve, t\u00eb kryeprift\u00ebrinjve e t\u00eb skrib\u00ebve, se do ta vrasin e t\u00eb tret\u00ebn dit\u00eb do t\u00eb ngjallej\u00bb<\/em> (Mt 16, 21). P\u00ebrball\u00eb k\u00ebtyre fjal\u00ebve, apostujt ishin turbulluar thell\u00eb. Aq shum\u00eb ishin turbulluar, saq\u00eb Pjetri i ishte afruar Jezusit dhe kishte filluar ta qortonte se ato gj\u00ebra nuk duhej t\u2019i ndodhnin Atij. M\u00eb mir\u00eb t\u00eb mos e kishte b\u00ebr\u00eb at\u00eb qortim i shkreti Pjet\u00ebr, sepse mori nga Jezusi nj\u00eb qortim edhe m\u00eb t\u00eb rrept\u00eb: \u00abShporru meje, he djall! Je shkandull p\u00ebr mua, sepse nuk i ke nd\u00ebr mend pun\u00ebt e Hyjit, por pun\u00ebt e njer\u00ebzve!\u00bb<\/em> Por, me gjith\u00eb qortimin q\u00eb i b\u00ebri Pjetrit dhe t\u00eb tjer\u00ebve, Jezusi e mir\u00ebkuptonte lig\u00ebshtimin e zemrave t\u00eb apostujve t\u00eb Tij t\u00eb dashur, kur d\u00ebgjuan se M\u00ebsuesi i tyre, pas t\u00eb cilit kishin zgjedhur t\u00eb shkonin, pas pak kohe do t\u00eb vritej. Prandaj Jezusi mori me vete tre prej tyre, nj\u00ebri prej t\u00eb cil\u00ebve ishte pik\u00ebrisht edhe Pjetri, dhe shkoi n\u00eb at\u00eb mal t\u00eb lart\u00eb dhe \u00abu shnd\u00ebrrua nd\u00ebr sy t\u00eb tyre: fytyra i shk\u00eblqeu porsi dielli e petkat iu b\u00ebn\u00eb t\u00eb bardha porsi drita\u00bb<\/em>. Ato p\u00ebrshkrime q\u00eb d\u00ebgjuam n\u00eb leximin e par\u00eb se Danjeli profet i b\u00ebnte kur fliste p\u00ebr \u00abBirin e njeriut\u00bb<\/em>, pra p\u00ebr Mesin\u00eb, i shohim se p\u00ebraf\u00ebrsisht plot\u00ebsohen n\u00eb k\u00ebt\u00eb episod t\u00eb mrekulluesh\u00ebm t\u00eb jet\u00ebs publike t\u00eb Krishtit.<\/p>\n\n\n\n Por forca e v\u00ebrtet\u00eb e k\u00ebsaj mrekullie do t\u00eb fillonte t\u00eb shfaqej pas pak, at\u00ebher\u00eb kur apostujt vun\u00eb re se, pran\u00eb Jezusit t\u00eb lavdish\u00ebm u shfaq\u00ebn dhe po flisnin me T\u00eb edhe Moisiu dhe Elia. Duhet ta ken\u00eb kuptuar se cili ishte Moisiu dhe cili ishte Elia pik\u00ebrisht nga p\u00ebrmbajtja e asaj q\u00eb ata \u00abpo bisedonin me t\u00eb\u00bb<\/em>. Ungjilli i Luk\u00ebs na informon edhe se ata po flisnin pik\u00ebrisht p\u00ebr Vdekjen e Ngjalljen e Jezusit q\u00eb pas pak kohe do t\u00eb ndodhte: \u00abBisedonin me t\u00eb p\u00ebr kalimin e tij nga kjo jet\u00eb, q\u00eb do ta b\u00ebnte se shpejti n\u00eb Jerusalem\u00bb<\/em> (Lk 9, 31).<\/p>\n\n\n\n Moisiu p\u00ebrfaq\u00ebsonte Ligjin, kurse Elia-Profet\u00ebt. Fakti se\nata kishin qend\u00ebr t\u00eb veten n\u00eb ato \u00e7aste Jezusin, d\u00ebshmonte se Ligji dhe\nProfet\u00ebt e gjejn\u00eb plot\u00ebsin\u00eb e tyre n\u00eb Jezusin, Birin e Hyjit t\u00eb b\u00ebr\u00eb njeri, q\u00eb\ndo t\u00eb vdiste e do t\u00eb ngjallej. <\/p>\n\n\n\n \u00abZot\u00ebri, \u00ebsht\u00eb mir\u00eb p\u00ebr ne t\u00eb rrim\u00eb k\u00ebtu: n\u00ebse do ti, po i ngreh k\u00ebtu tri tenda: nj\u00eb p\u00ebr ty, nj\u00eb p\u00ebr Moisiun e nj\u00eb p\u00ebr Elin\u00eb\u00bb<\/em>, nd\u00ebrhyri Pjetri, p\u00ebrball\u00eb gjith\u00eb asaj madh\u00ebshtie, i bindur se tashm\u00eb u plot\u00ebsua ardhja e fuqishme e lumturis\u00eb mesianike. Por Pjetri duhej ende t\u00eb m\u00ebsonte shum\u00eb nga M\u00ebsuesi i Tij Hyjnor. Patjet\u00ebr q\u00eb n\u00eb lavdin\u00eb e Mesis\u00eb ata do t\u00eb kishin pjes\u00eb nj\u00eb dit\u00eb, por duhej t\u00eb p\u00ebrballeshin me Kryqin, p\u00ebr ta kuptuar m\u00eb sakt\u00eb m\u00ebnyr\u00ebn se si ky Mesi do ta sh\u00eblbonte bot\u00ebn. Prandaj, \u00abende pa e kryer ai fjal\u00ebn, ja, i mbuloi nj\u00eb re e shndritshme dhe u d\u00ebgjua nj\u00eb z\u00eb nga reja q\u00eb tha: \u201cKy \u00ebsht\u00eb Biri im i dashur, t\u00eb cilin e kam p\u00ebr zem\u00ebr. At\u00eb d\u00ebgjoni!\u00bb<\/em>. Ati, nga brenda res\u00eb q\u00eb simbolizonte gjithnj\u00eb pranin\u00eb Hyjnore, b\u00ebn k\u00ebtu d\u00ebshmin\u00eb e Tij t\u00eb drejtp\u00ebrdrejt\u00eb mbi Birin e vet, duke ua zbuluar apostujve edhe m\u00eb qart\u00eb identitetin e v\u00ebrtet\u00eb t\u00eb Jezusit. Jezusi nuk \u00ebsht\u00eb nj\u00ebri prej profet\u00ebve apo njer\u00ebzve t\u00eb m\u00ebdhenj t\u00eb k\u00ebsaj bote, por \u00ebsht\u00eb vet\u00eb Biri i amshuar i Atit t\u00eb amshuar: \u00abHyj prej Hyji, Drit\u00eb prej Drite\u00bb<\/em>, themi tek Besojma<\/em>. E, duke u th\u00ebn\u00eb \u00abAt\u00eb d\u00ebgjoni!\u00bb<\/em>, Ati u tregon apostujve se u duhej t\u00eb vazhdonin t\u00eb m\u00ebsonin nga Biri i Tij, p\u00ebr t\u00eb arritur sh\u00eblbimin. U duhej t\u00eb vazhdonin ta ruanin besimin n\u00eb T\u00eb edhe p\u00ebrball\u00eb \u201cshkandullit t\u00eb kryqit\u201d q\u00eb s\u00eb shpejti do t\u00eb ndodhte. E k\u00ebshtu na thot\u00eb edhe t\u00eb gjith\u00ebve ne Hyji At\u00eb: na duhet t\u00eb vazhdojm\u00eb ta d\u00ebgjojm\u00eb Birin e Tij, edhe p\u00ebrball\u00eb kryqeve t\u00eb ndryshme n\u00eb jet\u00eb. E, sidomos n\u00eb rastet kur i k\u00ebrkojm\u00eb Hyjit ndonj\u00eb shenj\u00eb dashurie, Ati nuk mund t\u00eb na thot\u00eb tjet\u00ebr gj\u00eb ve\u00e7se t\u00eb na tregoj\u00eb Birin e Tij dhe t\u00eb na p\u00ebrs\u00ebris\u00eb: \u00abAt\u00eb d\u00ebgjoni!\u00bb<\/em>, sepse nuk mundet t\u00eb na dhuroj\u00eb tjet\u00ebr shenj\u00eb m\u00eb t\u00eb fuqishme dashurie sesa Birin e Tij. <\/p>\n\n\n\n Plus k\u00ebtyre, mrekullia e Shnd\u00ebrrimit t\u00eb Krishtit,\ni ka ndihmuar apostujt dhe Kish\u00ebn t\u00eb kuptoj\u00eb edhe se t\u00eb gjith\u00eb ne jemi t\u00eb\nthirrur q\u00eb ta lejojm\u00eb Shpirtin Shenjt t\u00eb na shnd\u00ebrroj\u00eb n\u00eb p\u00ebrngjasimin e\nJezusit. Shpirti Shenjt na ndihmon q\u00eb t\u00eb jemi s\u00eb bashku me Jezusin n\u00eb \u00e7astet e\nkryqeve, derisa nj\u00eb dit\u00eb edhe ne t\u00eb marrim pjes\u00eb n\u00eb plot\u00ebsin\u00eb e lavdis\u00eb s\u00eb\nKrishtit. At\u00eb dit\u00eb mbi at\u00eb mal Jezusi u tregoi apostujve vet\u00ebm nj\u00eb vezullim t\u00eb\nlavdis\u00eb s\u00eb Tij, edhe pse b\u00ebhej fjal\u00eb p\u00ebr nj\u00eb vezullim t\u00eb cilin ata kurr\u00eb m\u00eb nuk\ndo ta harronin, kaq e madhe ishte lavdia q\u00eb pan\u00eb. Por shpresa e krishter\u00eb na\nm\u00ebson se, fal\u00eb M\u00ebshir\u00ebs Hyjnore dhe fal\u00eb meritave t\u00eb Krishtit, ne do t\u00eb b\u00ebhemi\npjes\u00ebtar\u00eb t\u00eb nj\u00eb lavdie t\u00eb pashprehshme. <\/p>\n\n\n\n Kisha i drejtohet Hyjit k\u00ebshtu n\u00eb lutjen e tret\u00eb eukaristike, kur lutet p\u00ebr dik\u00eb q\u00eb ka nd\u00ebrruar jet\u00eb: \u00abAtje Ti do t\u00eb fshish \u00e7do lot prej syve tan\u00eb, atje do t\u00eb t\u00eb shohim ty, Hyjin ton\u00eb, ashtu si\u00e7 je, atje do t\u00eb b\u00ebhemi t\u00eb ngjash\u00ebm me ty p\u00ebr amshim dhe do t\u00eb t\u00eb l\u00ebvdojm\u00eb ty pa mbarim, n\u00ebp\u00ebr Krishtin, Zotin ton\u00eb, n\u00ebp\u00ebr t\u00eb cilin i jep bot\u00ebs \u00e7do t\u00eb mir\u00eb\u00bb<\/em>.<\/p>\n\n\n\n Dom Dritan Ndoci SHND\u00cbRRIMI I ZOTIT TON\u00cb JEZU KRISHTIT – 6 Gusht Dan 7, 9-10. 13-14; Ps 97 (96); 2 Pjt 1, 16-19; Mt 17, 1-9 \u00cbsht\u00eb interesante t\u00eb dim\u00eb se, nd\u00ebr t\u00eb gjitha mrekullit\u00eb q\u00eb Jezusi ka b\u00ebr\u00eb gjat\u00eb jet\u00ebs s\u00eb Tij publike, vet\u00ebm p\u00ebr k\u00ebt\u00eb episod t\u00eb mrekulluesh\u00ebm t\u00eb Shnd\u00ebrrimit t\u00eb Tij mbi \u00abnj\u00eb mal t\u00eb … <\/p>\n
<\/p>\n","protected":false},"excerpt":{"rendered":"