![\"\"](\"http:\/\/www.maranatha.al\/wp-content\/uploads\/2020\/09\/Saaaa.jpg\")
<\/figure>\n\n\n\nSipas nj\u00eb tradite shum\u00eb t\u00eb lasht\u00eb, n\u00eb vitin 327, Shenjtja\nHelen\u00eb, N\u00ebna e perandorit t\u00eb Rom\u00ebs, Konstantini i Madh, shkoi n\u00eb Jerusalem dhe\naty, e mb\u00ebshtetur nga autoriteti i t\u00eb birit, b\u00ebri q\u00eb t\u00eb shembej nj\u00eb tempull\npagan q\u00eb ishte nd\u00ebrtuar pran\u00eb vendit ku mendohej se ishte varri i Krishtit dhe,\nposht\u00eb asaj nd\u00ebrtese, gjet\u00ebn tre kryqe. U mendua menj\u00ebher\u00eb se dy kryqet e tjer\u00eb\nishin ata mbi t\u00eb cil\u00ebt qen\u00eb kryq\u00ebzuar dy hajdut\u00ebt, kurse i treti, ai mbi t\u00eb\ncilin gjet\u00ebn edhe shkrimin q\u00eb kishte qen\u00eb mbi kok\u00ebn e Jezusit t\u00eb Kryq\u00ebzuar,\nmenduan se ishte kryqi i Sh\u00eblbuesit. Dilem\u00ebn e zgjidhi Shenjtja Helen\u00eb duke\nb\u00ebr\u00eb q\u00eb, nj\u00eb grua e s\u00ebmur\u00eb r\u00ebnd\u00eb, t\u00eb prekte t\u00eb tre kryqet me radh\u00eb. Kur preku\nkryqin q\u00eb mendohej se ishte i Jezusit, ajo u sh\u00ebrua menj\u00ebher\u00eb. E gjith\u00eb kjo,\nmendohet t\u00eb ket\u00eb ndodhur me dat\u00ebn 14 shtator. Nga k\u00ebtu u fillua tradita q\u00eb, n\u00eb\nk\u00ebt\u00eb dat\u00eb, t\u00eb kremtohej festa e lart\u00ebsimit t\u00eb Kryqit, e cila u quajt k\u00ebshtu\nngaq\u00eb ipeshkvi i zon\u00ebs, n\u00eb mes t\u00eb entu\u00ad\u00adzia\u00adzmit t\u00eb t\u00eb gjith\u00ebve, e lart\u00ebsoi\nkryqit at\u00eb dit\u00eb q\u00eb besimtar\u00ebt ta nde\u00adronin. Fakti q\u00eb ndonj\u00eb tradit\u00eb tjet\u00ebr\nmendon se gjetja e Kryqit t\u00eb Je\u00adzusit duhet t\u00eb ket\u00eb ndodhur me 3 maj, b\u00ebri q\u00eb\nkjo fest\u00eb t\u00eb kishte deri von\u00eb dy dit\u00eb t\u00eb ndryshme p\u00ebrkujtimi. <\/p>\n\n\n\n
Me gjetjen e Kryqit dhe t\u00eb disa gozhdave q\u00eb mendohej se\nishin ato q\u00eb kishin p\u00ebrshkuar Trupin e Jezusit, Shenjtja Helen\u00eb b\u00ebri q\u00eb t\u00eb nd\u00ebrtohej\nn\u00eb at\u00eb vend edhe bazilika e Varrit t\u00eb Shenjt\u00eb, e cila pastaj qe d\u00ebmtuar e\nrind\u00ebrtuar disa her\u00eb gjat\u00eb shekujsh. <\/p>\n\n\n\n
Por, e gjith\u00eb kjo q\u00eb tham\u00eb, \u00ebsht\u00eb e veshur me shum\u00eb\nlegjend\u00eb brenda saj dhe nuk duhet besuar e gjitha. Aq m\u00eb tep\u00ebr kur, po t\u2019i b\u00ebsh\nbashk\u00eb t\u00eb gjitha copat e drurit q\u00eb thuhet se ishin pjes\u00eb kryqit t\u00eb Krishtit dhe\nq\u00eb jan\u00eb t\u00eb shp\u00ebrndara n\u00ebp\u00ebr bot\u00eb, do t\u00eb dilte nj\u00eb kryq v\u00ebrtet\u00eb shum\u00eb m\u00eb i madh\nse p\u00ebrmasat q\u00eb kishin zakonisht kryqet. Kisha nuk ka nevoj\u00eb t\u2019i mbroj\u00eb medoemos\nt\u00eb gjitha legjendat q\u00eb qarkullojn\u00eb n\u00ebp\u00ebr bot\u00eb, me justifikimin e gabuar se\nashtu e forcon fen\u00eb e besimtar\u00ebve. Por, gjithsesi, nga ana tjet\u00ebr, fakti q\u00eb\ndisa legjenda mbijetojn\u00eb p\u00ebrgjat\u00eb shekujve m\u00eb fort se disa t\u00eb tjera, t\u00eb b\u00ebn t\u00eb\nmendosh.<\/p>\n\n\n\n
E, pik\u00ebrisht kjo forc\u00eb q\u00eb ka kjo fest\u00eb e sotme q\u00eb ta b\u00ebj\u00eb\nKish\u00ebn t\u00eb mendoj\u00eb e t\u00eb meditoj\u00eb m\u00eb shum\u00eb rreth misterit t\u00eb Kryq\u00ebzimit t\u00eb\nJezusit, \u00ebsht\u00eb argumenti teologjik mbi t\u00eb cilin liturgjia e ka themeluar k\u00ebt\u00eb\nfest\u00eb t\u00eb sotme dhe e ka ruajtur at\u00eb si thesar t\u00eb vetin t\u00eb \u00e7muesh\u00ebm. Me reform\u00ebn\nliturgjike t\u00eb vitit 1960, k\u00ebsaj feste iu ndryshua vet\u00ebm emri: nga fest\u00eb e Lart\u00ebsimit t\u00eb Kryqit t\u00eb Shenjt\u00eb<\/em>, si\u00e7\nquhej m\u00eb p\u00ebrpara, ajo u quajt fest\u00eb e Ngadh\u00ebnjimit\nt\u00eb Kryqit t\u00eb Shenjt\u00eb<\/em>, p\u00ebr t\u00eb theksuar m\u00eb mir\u00eb fitoren e v\u00ebrtet\u00eb q\u00eb Krishti\nna ka fituar mbi Kryq, e cila nuk \u00ebsht\u00eb nj\u00eb fitore sipas parimeve t\u00eb bot\u00ebs, por\nsipas parimeve t\u00eb Hyjit.<\/p>\n\n\n\n Pik\u00ebrisht p\u00ebr t\u2019iu afruar k\u00ebtij misteri t\u00eb fitores s\u00eb Krishtit mbi kryq, Kisha na v\u00eb p\u00ebrpara k\u00ebto pjes\u00eb t\u00eb Shkrimit Shenjt q\u00eb d\u00ebgjuam sot. N\u00eb leximin e par\u00eb na tregohet p\u00ebr nj\u00eb episod t\u00eb dhimbsh\u00ebm, por edhe t\u00eb mrekulluesh\u00ebm, q\u00eb i ndodhi popullit t\u00eb Izraelit kur ishte n\u00eb shtegtim drejt tok\u00ebs s\u00eb premtuar. Populli, edhe pse kishte par\u00eb mrekulli t\u00eb m\u00ebdha nga dora e Zotit, filloi t\u00eb ankohej e \u00abta humbas\u00eb durimin\u00bb<\/em>. I ankoheshin Moisiut pse i nxori nga Egjipti, duke e quajtur, pik\u00ebrisht at\u00eb vep\u00ebr q\u00eb i kishte shp\u00ebtuar si popull, si vep\u00ebr t\u00eb panevojshme. Teksti thot\u00eb se \u00abp\u00ebr k\u00ebt\u00eb arsye Zoti \u00e7oi n\u00eb popull gjarp\u00ebrinj t\u00eb hidhur, t\u00eb cil\u00ebt e hanin popullin dhe vdiq\u00ebn shum\u00eb njer\u00ebz prej Izraelit\u00bb<\/em>. T\u00eb b\u00ebn t\u00eb mendosh ky hidh\u00ebrim i Zotit, kur jemi m\u00ebsuar ta mendojm\u00eb Zotin si pafund\u00ebsisht t\u00eb m\u00ebshirsh\u00ebm. Megjithat\u00eb, me gjith\u00eb misterin q\u00eb mbartin n\u00eb vetvete k\u00ebta rreshta, gj\u00ebja q\u00eb me siguri mund ta m\u00ebsojm\u00eb prej tyre, \u00ebsht\u00eb se, kur ne njer\u00ebzit e shohim t\u00eb mir\u00ebn si t\u00eb keqe dhe t\u00eb keqen si t\u00eb mir\u00eb, aty nuk \u00ebsht\u00eb m\u00eb Shpirti i Zotit q\u00eb na udh\u00ebheq dhe ne leht\u00ebsisht mund t\u00eb biem pre e s\u00eb keqes shfaros\u00ebse, edhe fizikisht. Por, pas lutjeve t\u00eb popullit e pas nd\u00ebrmjet\u00ebsimit t\u00eb Moisiut, Zoti nuk e la popullin n\u00eb m\u00ebshir\u00ebn e s\u00eb keqes dhe nd\u00ebrhyri, duke e porositur Moisiun: \u00abPunoje gjarprin helmues dhe v\u00ebre n\u00eb shtyll\u00eb si shenj\u00eb: kushdo q\u00eb, pasi ta ket\u00eb ngr\u00ebn\u00eb gjarpri, poqese e shikon, do t\u00eb sh\u00ebrohet\u00bb<\/em>. E ashtu ndodhi. E Jezusi, n\u00eb Ungjillin e sot\u00ebm, i shpjegon Nikodemit se ajo ngjarje kishte qen\u00eb edhe profeci e mundimeve t\u00eb Tij: \u00abSikurse Moisiu e lart\u00ebsoi gjarprin n\u00eb shkreti, po ashtu duhet t\u00eb lart\u00ebsohet edhe Biri i njeriut, q\u00eb kushdo t\u00eb b\u00ebsoj\u00eb n\u00eb t\u00eb, ta ket\u00eb jet\u00ebn e pasosur\u00bb<\/em>. Hyji At\u00eb, pra, kur n\u00eb m\u00ebshir\u00ebn e Tij po nd\u00ebrhynte n\u00eb dobi t\u00eb popullit t\u00eb Izraelit, po i jepte nd\u00ebrkoh\u00eb atij edhe nj\u00eb shenjt\u00eb profetike shum\u00eb interesante p\u00ebr t\u00eb treguar edhe se n\u00eb \u00e7\u2019m\u00ebnyr\u00eb kishte nd\u00ebrmend ta zbulonte m\u00ebshir\u00ebn e Tij me an\u00eb t\u00eb vdekjes s\u00eb Birit t\u00eb vet n\u00eb Kryq.<\/p>\n\n\n\n E, n\u00eb fakt, fjala kryq<\/em> ishte sinonim i fjal\u00ebs tortur\u00eb, mundime t\u00eb m\u00ebdha. Kaq ishte posht\u00ebruese dhe e dhimbshme vdekja n\u00eb kryq, saq\u00eb romak\u00ebt me k\u00ebt\u00eb lloj vdekjeje nuk i d\u00ebnonin ata q\u00eb ishin me n\u00ebnshtet\u00ebsi romake. E prandaj, sikurse Hyji zgjodhi q\u00eb t\u00eb ishte sh\u00ebrim pik\u00ebrisht shikimi i figur\u00ebs s\u00eb metalt\u00eb t\u00eb gjarprit q\u00eb punoi Moisiu, duke e shnd\u00ebrruar n\u00eb shp\u00ebtim pik\u00ebrisht at\u00eb q\u00eb ishte shkak frike deri n\u00eb ato \u00e7aste, edhe k\u00ebt\u00eb lloj vdekjeje tejet t\u00eb dhimbshme n\u00eb kryq, Biri i Hyjit do ta b\u00ebnte vendin e zbules\u00ebs m\u00eb t\u00eb madhe: t\u00eb dashuris\u00eb s\u00eb Hyjit ndaj nesh dhe t\u00eb sh\u00ebrimit nga vdekja e m\u00ebkatit. \u00abHyj aq fort e deshi bot\u00ebn, saq\u00eb e dha nj\u00eb t\u00eb vetmin Birin e vet, k\u00ebshtu q\u00eb, secili q\u00eb beson n\u00eb t\u00eb, t\u00eb mos birret, por ta ket\u00eb jet\u00ebn e pasosur\u00bb, <\/em>thot\u00eb Jezusi n\u00eb Ungjillin e sot\u00ebm. Dhe menj\u00ebher\u00eb, n\u00eb kujdes q\u00eb Nikodemi dhe ne ta kuptojm\u00eb sa m\u00eb mir\u00eb, sqaron nj\u00eb her\u00eb e p\u00ebrgjithmon\u00eb: \u00abN\u00eb t\u00eb v\u00ebrtet\u00eb Hyji nuk e d\u00ebrgoi Birin q\u00eb ta d\u00ebnoj\u00eb bot\u00ebn, por q\u00eb bota t\u00eb shp\u00ebtoj\u00eb n\u00ebp\u00ebr t\u00eb\u00bb<\/em>. K\u00ebshtu, pra, vdekja e ngjallja e Krishtit, do t\u00eb ishin p\u00ebr shp\u00ebtimin e amshuar t\u00eb bot\u00ebs.<\/p>\n\n\n\n Djalli mendoi se, me pushtetin e frik\u00ebs q\u00eb sjell vdekja,\nai do t\u00eb ishte i pamposhtur edhe me Jezusin, por gaboi. Djalli, me krenarin\u00eb e\ntij, nuk e mendonte se Biri i Hyjit do t\u00eb mund t\u00eb p\u00ebrulej realisht deri n\u00eb\nhumner\u00ebn e vdekjes p\u00ebr ta sh\u00eblbuar natyr\u00ebn njer\u00ebzore. N\u00eb krenarin\u00eb e tij,\ndjalli nuk e mendonte se realisht Biri i Hyjit do t\u00eb p\u00ebrvujt\u00ebrohej deri n\u00eb at\u00eb\npik\u00eb, p\u00ebr t\u00eb na m\u00ebsuar neve se kund\u00ebrhelmi ndaj krenaris\u00eb, \u00ebsht\u00eb pik\u00ebrisht\np\u00ebrvujt\u00ebria dhe d\u00ebgjesa e plot\u00eb, kur ajo \u00ebsht\u00eb e ngjashme me at\u00eb t\u00eb Birit t\u00eb\nHyjit. Thot\u00eb Sh\u00ebn Pali n\u00eb leximin e dyt\u00eb, n\u00eb disa rreshta t\u00eb cil\u00ebt me shum\u00eb\nsiguri ishin nj\u00eb nd\u00ebr himnet m\u00eb t\u00eb hershme q\u00eb filluan t\u00eb qarkullojn\u00eb n\u00eb\nbashk\u00ebsit\u00eb e para t\u00eb krishtera: \u00abJezu\nKrishti, edhe pse me natyr\u00eb Hyj, barazin\u00eb e vet me T\u00eb nuk e \u00e7moi si nj\u00eb visar\nq\u00eb s\u2019mundet pa t\u00eb, por ia mohoi vetvetes, e mori natyr\u00ebn e sh\u00ebrb\u00ebtorit dhe u b\u00eb\ni ngjash\u00ebm me njer\u00ebz dhe, p\u00ebr kah pamja e jashtme dukej vet\u00ebm njeri. E p\u00ebruli\nvetveten duke u b\u00ebr\u00eb i d\u00ebgjuesh\u00ebm deri n\u00eb vdekje, mu deri n\u00eb vdekje n\u00eb kryq<\/em>\u00bb.\nFesta e Ngadh\u00ebnjimit t\u00eb Kryqit <\/em>ka\nkuptim pik\u00ebrisht ngaq\u00eb na lidh me k\u00ebt\u00eb p\u00ebrvujt\u00ebri e d\u00ebgjes\u00eb t\u00eb plot\u00eb t\u00eb\nJezusit, p\u00ebr sh\u00eblbimin ton\u00eb. <\/p>\n\n\n\n Patjet\u00ebr se, sikur gjith\u00e7ka t\u00eb ishte ndalur me vdekjen,\nJezusi do ta kishte pasur tejet t\u00eb v\u00ebshtir\u00eb t\u2019i bindte apostujt e vet dhe krejt\nKish\u00ebn se, pas p\u00ebrvujt\u00ebrimit t\u00eb Kryqit, vjen lavdia e Ngjalljes. Ne jemi t\u00eb\nb\u00ebr\u00eb p\u00ebr jet\u00ebn, p\u00ebr ngjalljen, prandaj Jezusi, duke u ngjallur, u b\u00eb edhe \u00abi Par\u00eblinduri nd\u00ebr t\u00eb vdekurit\u00bb<\/em> (Kol 1,\n18), \u00abfryti i par\u00eb i t\u00eb vdekurve\u00bb<\/em> (1\nKor 15, 21). Hyji At\u00eb iu p\u00ebrgjigj d\u00ebgjes\u00ebs s\u00eb plot\u00eb e t\u00eb p\u00ebrvujt\u00eb t\u00eb Birit t\u00eb\nvet duke e ngjallur At\u00eb nga vdekja n\u00eb lavdi: \u00abPrandaj edhe Hyji e lart\u00ebsoi tesve dhe\ni dha emrin q\u00eb \u00ebsht\u00eb mbi \u00e7do em\u00ebr q\u00eb, n\u00eb Em\u00ebr t\u00eb Jezusit, t\u00eb p\u00ebrkulet \u00e7do gju\u00bb<\/em>\ne k\u00ebshtu do t\u00eb na ngjall\u00eb edhe ne, fal\u00eb meritave t\u00eb Krishtit. Prandaj, duke\nnderuar kryqin, ne shprehim nderimin ton\u00eb ndaj Krishtit, Sh\u00eblbuesit ton\u00eb t\u00eb\nVdekur e t\u00eb Ngjallur p\u00ebr ne. Mrekullit\u00eb q\u00eb ndodhin n\u00eb k\u00ebt\u00eb bot\u00eb, p\u00ebrfshi edhe\nat\u00eb q\u00eb p\u00ebrmend\u00ebm n\u00eb fillim ku Shenjtja Helen\u00eb kuptoi se cili ishte druri i\nv\u00ebrtet\u00eb i Kryqit t\u00eb Krishtit, jan\u00eb fryt pik\u00ebrisht i k\u00ebsaj fitoreje t\u00eb Krishtit.\nMrekullit\u00eb jan\u00eb, pra, shenj\u00eb e lavdis\u00eb s\u00eb Sh\u00eblbuesit ton\u00eb, n\u00eb t\u00eb cil\u00ebn Ai pret\nq\u00eb nj\u00eb dit\u00eb edhe ne t\u00eb kemi pjes\u00eb. Prandaj mrekullit\u00eb duhet q\u00eb t\u00eb na zgjojn\u00eb\nfen\u00eb e gjall\u00eb e jo t\u00eb lejojm\u00eb q\u00eb t\u00eb humbasim gjithnj\u00eb n\u00eb k\u00ebrkim t\u00eb mrekullive\nt\u00eb tjera, sepse Jezusi ka ardhur t\u00eb na sjell\u00eb nj\u00eb sh\u00eblbim t\u00eb amshuar e jo t\u00eb\np\u00ebrkohsh\u00ebm e tok\u00ebsor e Kryqi na kujton pik\u00ebrisht k\u00ebt\u00eb lloj fitoreje.<\/p>\n\n\n\n Prandaj \u00ebsht\u00eb shum\u00eb e bukur ajo q\u00eb k\u00ebndon Kisha n\u00eb nj\u00eb refren shum\u00eb t\u00eb kahersh\u00ebm: \u00abT\u00eb adhurojm\u00eb, o Krisht, e t\u00eb bekojm\u00eb, sepse me Kryqin t\u00ebnd t\u00eb shenjt\u00eb e sh\u00eblbove bot\u00ebn mbar\u00eb\u00bb<\/em>.<\/p>\n\n\n\n Dom Dritan Ndoci NGADH\u00cbNJIMI I KRYQIT T\u00cb SHENJT\u00cb – 14 Shtator Nr 21, 4-9; Ps 78 (77); Fil 2, 6-11; Gjn 3, 13-17 Sipas nj\u00eb tradite shum\u00eb t\u00eb lasht\u00eb, n\u00eb vitin 327, Shenjtja Helen\u00eb, N\u00ebna e perandorit t\u00eb Rom\u00ebs, Konstantini i Madh, shkoi n\u00eb Jerusalem dhe aty, e mb\u00ebshtetur nga autoriteti i t\u00eb birit, b\u00ebri q\u00eb t\u00eb shembej … <\/p>\n
<\/p>\n","protected":false},"excerpt":{"rendered":"