![\"\"](\"http:\/\/www.maranatha.al\/wp-content\/uploads\/2020\/11\/Dritata4.jpg\")
<\/figure>\n\n\n\nNj\u00ebri prej martir\u00ebve t\u00eb periudh\u00ebs komuniste n\u00eb Shqip\u00ebri, i Lumi Imzot Vin\u00e7enc Prennushi, kur ende ishte Frat, disa vjet para se t\u00eb shugurohej ipeshk\u00ebv, mes shum\u00eb poezive t\u00eb bukura q\u00eb krijoi, la t\u00eb shkruar edhe nj\u00eb poezi n\u00eb t\u00eb cil\u00ebn e p\u00ebrfytyronte veten duke i kund\u00ebrshtuar me k\u00ebmb\u00ebngulje djallit, i cili p\u00ebrpiqej ta shp\u00ebrq\u00ebndronte nga feja. Nd\u00ebr t\u00eb tjera, poezia ka edhe k\u00ebta rreshta: \u00abPse, o i mallkuem, ti don me m\u2019hjek\u00eb \/ zemret mue kaq dhanti? \/ A s\u2019e din se un di me dek\u00eb \/ p\u00ebr fe shejte, qi un ndryj n\u2019gji? \/ Po, ma mir\u00eb shtat\u00eb pash nen dh\u00e8, \/ se me bjerrun shejten Fe. \/ \u2026. Mos t\u2019shof ma, pse shejten Fe, \/ s\u2019ma zhgul\u00eb zemret gja mbi dhe!\u00bb<\/em><\/p>\n\n\n\n Si ipeshk\u00ebv, ai dhe t\u00eb gjith\u00eb ipeshkvinjt\u00eb e Shqip\u00ebris\u00eb n\u00eb ato vite, pranuan m\u00eb par\u00eb tortura t\u00eb tmerrshme dhe vdekjen, sesa ta ndanin Kish\u00ebn n\u00eb Shqip\u00ebri nga autoriteti i Selis\u00eb s\u00eb Shenjt\u00eb. Qe vrar\u00eb \u00abin odium fidei\u00bb<\/em>, \u00abp\u00ebr urrejtje ndaj fes\u00eb\u00bb<\/em>, ndaj asaj feje p\u00ebr t\u00eb cil\u00ebn kishte shkruar: \u00abMa mir\u00eb shtat\u00eb pash nen dhe, se me bjerrun shejten Fe\u00bb<\/em>. <\/p>\n\n\n\n N\u00eb Ungjillin e sot\u00ebm, Jezusi ngul k\u00ebmb\u00eb q\u00eb t\u00eb na m\u00ebsoj\u00eb se fen\u00eb duhet t\u00eb dim\u00eb ta ruajm\u00eb. P\u00ebr ta b\u00ebr\u00eb k\u00ebt\u00eb, Ai tregon p\u00ebrs\u00ebri nj\u00eb sh\u00ebmb\u00eblltyr\u00eb. K\u00ebsaj radhe merr nj\u00eb histori (ndoshta pjes\u00ebrisht edhe t\u00eb sajuar) q\u00eb flet p\u00ebr nj\u00eb dasm\u00eb. Jezusi merrte si shembuj zakonet e koh\u00ebs, q\u00eb k\u00ebshtu d\u00ebgjuesit e Tij ta kuptonin m\u00eb mir\u00eb. K\u00ebsaj radhe tregon historin\u00eb e dhjet\u00eb vajzave: \u00abPes\u00eb prej tyre ishin marroqe e pes\u00eb t\u00eb men\u00e7ura\u00bb<\/em>. \u00abT\u00eb men\u00e7urat\u00bb<\/em> Jezusi i quan t\u00eb tilla sepse kishin marr\u00eb me vete jo vet\u00ebm drit\u00ebzat, por edhe vajin shtes\u00eb n\u00eb nj\u00eb en\u00eb m\u00eb vete, gj\u00eb t\u00eb cil\u00ebn ato \u00abmarroqet\u00bb<\/em> nuk e kishin b\u00ebr\u00eb. Drit\u00ebzat n\u00eb at\u00eb koh\u00eb duhet t\u00eb ken\u00eb sh\u00ebrbyer jo edhe aq p\u00ebr dekor, por duhet t\u00eb ken\u00eb qen\u00eb t\u00eb domosdoshme, meq\u00eb thuhet se dasma po b\u00ebhej nat\u00ebn. U takonte atyre dhjet\u00eb vajzave, pra, q\u00eb t\u00eb b\u00ebnin drit\u00eb p\u00ebrreth dh\u00ebndrit at\u00eb nat\u00eb. Ishte munges\u00eb e theksuar p\u00ebrgjegj\u00ebsie n\u00ebse nuk e mendonin mir\u00eb deri edhe detajin m\u00eb t\u00eb vog\u00ebl. T\u00eb mos merrnin vaj shtes\u00eb n\u00eb en\u00eb, mund t\u00eb rezultonte penges\u00eb reale p\u00ebr mbar\u00ebvajtjen e dasm\u00ebs. E pes\u00eb prej tyre shkuan e b\u00ebn\u00eb pik\u00ebrisht k\u00ebt\u00eb gabim.<\/p>\n\n\n\n E kuptojm\u00eb leht\u00eb se \u00abvaji\u00bb<\/em> n\u00eb k\u00ebt\u00eb sh\u00ebmb\u00eblltyr\u00eb simbolizon \u00abfen\u00eb\u00bb<\/em>. K\u00ebto pes\u00eb vajza simbolizojn\u00eb rastet kur lihet pas dore feja n\u00eb Zotin dhe, si pasoj\u00eb, ajo vjen e fiket pak nga pak. As n\u00eb k\u00ebt\u00eb sh\u00ebmb\u00eblltyre Jezusi nuk u drejtohet turmave<\/em>, por \u00abnx\u00ebn\u00ebsve t\u00eb vet\u00bb<\/em>. D\u00ebshiron t\u2019i porosis\u00eb q\u00eb t\u00eb din\u00eb ta ruajn\u00eb fen\u00eb. \u00abNuk mjafton t\u00eb fillosh mir\u00eb, por t\u00eb vazhdosh e ta mbyll\u00ebsh mir\u00eb ecjen n\u00eb fe\u00bb<\/em>, porosiste p\u00ebrvujt\u00ebrisht Sh\u00ebn Piu nga Pitrel\u00e7ina.<\/p>\n\n\n\n \u00abMarroqet\u00bb<\/em> u k\u00ebrkuan vaj nga en\u00ebt e tyre \u00abt\u00eb men\u00e7urave\u00bb<\/em>, por ato nuk mund t\u00eb b\u00ebnin gabimin q\u00eb t\u2019ua jepnin. Jo se ishin egoiste, por sepse ishin shum\u00eb realiste: duke b\u00ebr\u00eb ashtu, vaji nuk do t\u2019i mjaftonte pastaj asnj\u00ebr\u00ebs p\u00ebr t\u00eb b\u00ebr\u00eb drit\u00eb deri n\u00eb fund t\u00eb dasm\u00ebs e, n\u00eb at\u00eb rast, si do t\u00eb mund t\u00eb vazhdohej dasma?<\/p>\n\n\n\n Jezusi, duke th\u00ebn\u00eb se, pasi u kthyen nga tregu me vajin e\nbler\u00eb dhe se dh\u00ebndri nuk ua hapi der\u00ebn m\u00eb, por iu p\u00ebrgjigj \u00abnuk ju njoh\u00bb<\/em>, e ka fjal\u00ebn p\u00ebr \u00e7astin kur secili prej nesh do t\u00eb\ndal\u00eb para Tij n\u00eb fund t\u00eb jet\u00ebs dhe, n\u00ebse nuk kemi pranuar t\u00eb kthehemi kah Zoti\nsa ende ishim n\u00eb koh\u00eb, nuk do t\u00eb kemi m\u00eb mund\u00ebsi ta b\u00ebjm\u00eb nj\u00eb gj\u00eb t\u00eb till\u00eb kur\necja jon\u00eb tok\u00ebsore do t\u00eb k\u00ebt\u00eb p\u00ebrfunduar. Prandaj, duhet ta ruajm\u00eb fen\u00eb sa nuk\n\u00ebsht\u00eb von\u00eb. <\/p>\n\n\n\n Feja mund t\u00eb humbas\u00eb. Shpesh p\u00ebr fajin ton\u00eb. P\u00ebrshembull, n\u00ebse nuk dim\u00eb t\u00eb zgjedhim shoq\u00ebrin\u00eb me t\u00eb cil\u00ebn rrijm\u00eb, patjet\u00ebr se rreziku q\u00eb ta l\u00ebm\u00eb m\u00ebnjan\u00eb fen\u00eb ton\u00eb dhe vlerat q\u00eb na m\u00ebson Jezusi, mund t\u00eb jet\u00eb real. \u00abZgjidhe shokun m\u00eb t\u00eb mir\u00eb se veten!\u00bb<\/em>, thot\u00eb me t\u00eb drejt\u00eb nj\u00eb proverb i yni. Ose, n\u00ebse q\u00ebndrojm\u00eb gjat\u00eb n\u00eb vese t\u00eb ndryshme e nuk p\u00ebrpiqemi t\u00eb ndryshojm\u00eb, mund t\u00eb mos e d\u00ebshirojm\u00eb m\u00eb as ndryshimin. N\u00ebse nuk i frekuentojm\u00eb rr\u00ebfimin dhe Eukaristin\u00eb sa m\u00eb shpesh, mund ta humbasim edhe shijen e nj\u00eb frekuentimi t\u00eb till\u00eb. Ose, po nuk dit\u00ebm t\u2019i p\u00ebrzgjedhim materialet q\u00eb lexojm\u00eb, shohim apo d\u00ebgjojm\u00eb, patjet\u00ebr se ekziston rreziku real q\u00eb \u00abdrit\u00ebza\u00bb<\/em> e fes\u00eb son\u00eb t\u00eb zbehet deri n\u00eb pik\u00ebn sa edhe mund t\u00eb fiket krejt. N\u00ebse nuk \u201ci shtojm\u00eb vaj\u201d p\u00ebrshpirt\u00ebris\u00eb son\u00eb, pra, n\u00ebse nuk p\u00ebrkujdesemi p\u00ebr t\u00eb, ajo rrezikon me t\u00eb v\u00ebrtet t\u00eb fiket.<\/p>\n\n\n\n Sa larg jemi ne nga ata q\u00eb e dhan\u00eb jet\u00ebn vet\u00ebm p\u00ebr t\u00eb mos i r\u00ebn\u00eb mohit fes\u00eb n\u00eb Zotin?! N\u00eb jet\u00ebn e dy prej martir\u00ebve tan\u00eb, i Lumi Dom Lek\u00eb Sirdani dhe i Lumi Dom Pjet\u00ebr \u00c7uni, tregohet nj\u00eb fakt v\u00ebrtet rr\u00ebnqeth\u00ebs. Torturuesit komunist\u00eb sajuan p\u00ebr ta nj\u00eb tortur\u00eb t\u00eb pazakont\u00eb: pasi i kishin masakruar m\u00eb par\u00eb me tortura, i zhyt\u00ebn deri n\u00eb fyt n\u00eb nj\u00eb grop\u00eb uj\u00ebrash t\u00eb zeza. P\u00ebr t\u00eb fundit her\u00eb u than\u00eb q\u00eb ta mohonin se ka Zot, n\u00ebse donin q\u00eb t\u2019u kursehej jeta. Me trim\u00ebri t\u00eb pazakont\u00eb dhe p\u00ebr habin\u00eb e vet\u00eb komunist\u00ebve dhe t\u00eb t\u00eb burgosurve t\u00eb tjer\u00eb q\u00eb po e shikonin at\u00eb sken\u00eb t\u00eb tmerrshme nga dritaret e burgut, dy meshtar\u00ebt nuk pranuan ta mohonin fen\u00eb. Madje Dom Leka ua ktheu: \u00abMa mir\u00eb me dek\u00eb e me fluturue i lir\u00eb atje nalt, sesa i gjall\u00eb si tradh\u00ebtar k\u00ebtu posht\u00eb. Nuk mundem me e mohue Zotin, vllazen. Zoti ekziston, Zoti ekziston. Un\u00eb besoj\u00bb<\/em>. Xhelat\u00ebt at\u00ebher\u00eb mor\u00ebn disa sfurqe dhe i zhyt\u00ebn krejt\u00ebsisht n\u00eb at\u00eb grop\u00eb llahtarie e ashtu dhan\u00eb shpirt ata meshtar\u00eb t\u00eb pafajsh\u00ebm. Sa leht\u00eb e mohojm\u00eb ne fen\u00eb ton\u00eb n\u00eb krahasim me k\u00ebta shpirtra heroik\u00eb e t\u00eb past\u00ebr! Sa larg Zotit jemi n\u00eb krahasim me k\u00ebta njer\u00ebz q\u00eb pat\u00ebn nj\u00eb fe v\u00ebrtet t\u00eb gjall\u00eb!<\/p>\n\n\n\n Por duhet t\u00eb dim\u00eb edhe di\u00e7ka shum\u00eb t\u00eb r\u00ebnd\u00ebsishme: n\u00ebse nga nj\u00ebra an\u00eb, \u00ebsht\u00eb e v\u00ebrtet\u00eb se e kemi p\u00ebr detyr\u00eb ta ruajm\u00eb e ta ushqejm\u00eb fen\u00eb ton\u00eb n\u00eb Krishtin, nga ana tjet\u00ebr, \u00ebsht\u00eb edhe vet\u00eb feja ajo q\u00eb na mban e na ruan ne. E shpjegon k\u00ebt\u00eb ide shum\u00eb bukur nj\u00eb p\u00ebrrall\u00eb q\u00eb thot\u00eb se, kur Hyji krijoi t\u00eb gjith\u00eb shpend\u00ebt e bot\u00ebs, krijoi edhe p\u00ebllumbin. Por kishte harruar t\u2019i vinte atij krah\u00ebt. Pasi p\u00eb\u00adllumbi shihte se t\u00eb gjith\u00eb shpend\u00ebt e tjer\u00eb fluturonin e ai jo, shkoi e u ankua te Zoti: \u00abPo pse un\u00eb nuk kam krah\u00eb si t\u00eb gjith\u00eb t\u00eb tjer\u00ebt?\u00bb<\/em> \u00abT\u00eb k\u00ebrkoj falje, sepse paskam harruar\u00bb<\/em>, ia ktheu Zoti dhe shpejtoi t\u2019ia krijonte dy krah\u00ebt. Pas dy dit\u00ebsh p\u00ebllumbi u kthye p\u00ebrs\u00ebri tek Zoti e p\u00ebrs\u00ebri iu ankua: \u00abKrah\u00ebt q\u00eb m\u00eb ke dh\u00ebn\u00eb, jan\u00eb shum\u00eb t\u00eb v\u00ebshtir\u00eb p\u00ebr t\u2019u mbartur mbi shpin\u00eb\u00bb<\/em>. P\u00ebllumbi i shkret\u00eb n\u00eb vend q\u00eb t\u2019i rrahte krah\u00ebt p\u00ebr t\u00eb fluturuar lart, kishte menduar se i duhej thjesht t\u2019i mbante ata si pesh\u00eb. \u00abOh jo, \u00ad<\/em>\u2013 ia ktheu Zoti, \u2013 e paske kuptuar gabim, p\u00ebllumb i dashur. Nuk je ti ai q\u00eb duhet t\u2019i mbash\u00eb krah\u00ebt, por jan\u00eb krah\u00ebt ata q\u00eb do t\u00eb t\u00eb mbajn\u00eb ty. Mjafton t’i p\u00ebrdor\u00ebsh ata\u00bb<\/em>. \u00cbsht\u00eb feja ajo q\u00eb na mban ne, m\u00eb fort nga sa ne e mbajm\u00eb at\u00eb. <\/p>\n\n\n\n T\u00eb v\u00ebrtetat e fes\u00eb e shndrisin mendjen dhe i japin jet\u00ebs drejtimin q\u00eb i nevojitet. Ato na e qet\u00ebsojn\u00eb shpirtin kur duhet qet\u00ebsuar dhe na e shqet\u00ebsojn\u00eb at\u00eb kur jemi n\u00eb gabime, p\u00ebr t\u00eb na ndihmuar q\u00eb t\u00eb dalim prej tyre. \u00abUrtia \u00ebsht\u00eb ndrit\u00ebse e kurr\u00eb nuk err\u00ebsohet\u00bb<\/em>, thot\u00eb leximi i par\u00eb. B\u00ebhet fjal\u00eb p\u00ebr nj\u00ebr\u00ebn prej shtat\u00eb dhuratave t\u00eb Shpirtit Shenjt t\u00eb cil\u00ebn e njohim me emrin Urtia<\/em>. \u00cbsht\u00eb pik\u00ebrisht kjo dhurat\u00eb ajo q\u00eb na shndrit q\u00eb t\u2019i shohim gj\u00ebrat n\u00eb Zotin menj\u00ebher\u00eb<\/em>, si edhe t\u2019i lidhim pastaj t\u00eb gjitha realitetet e jet\u00ebs son\u00eb me Zotin. K\u00ebshtu, menj\u00ebher\u00eb<\/em>, fal\u00eb k\u00ebtij Hiri t\u00eb posa\u00e7\u00ebm t\u00eb Shpirtit Shenjt, dim\u00eb \u00e7far\u00eb duhet t\u00eb b\u00ebjm\u00eb e \u00e7far\u00eb jo. Mbase ky Hir shpesh vepron duke na kujtuar ndonj\u00ebrin prej Dhjet\u00eb Urdh\u00ebrimeve, apo duke na kujtuar ndonj\u00eb fjal\u00eb t\u00eb Ungjillit. Shpesh na ndihmon t\u00eb formulojm\u00eb edhe vet\u00eb ndonj\u00eb ide \u201corigjinale\u201d n\u00eb lidhje me at\u00eb q\u00eb duhet b\u00ebr\u00eb apo jo. Kjo \u00ebsht\u00eb Urtia q\u00eb vjen prej Zotit dhe q\u00eb, sipas Bes\u00eblidhjes s\u00eb Vjet\u00ebr, \u00ebsht\u00eb gj\u00ebja m\u00eb e \u00e7mueshme p\u00ebr njeriun: \u00abEdhe vet\u00ebm ta d\u00ebshirosh at\u00eb (urtin\u00eb pra), \u00ebsht\u00eb p\u00ebrsosje men\u00e7urie\u00bb<\/em>, thot\u00eb p\u00ebrs\u00ebri leximi i par\u00eb.<\/p>\n\n\n\n T\u00eb v\u00ebrtetat e fes\u00eb, pastaj, na ndihmojn\u00eb t\u00eb shohim m\u00eb larg se shohin t\u00eb gjith\u00eb filozof\u00ebt e t\u00eb dijshmit e bot\u00ebs t’i marr\u00ebsh s\u00eb bashku. N\u00eb leximin e dyt\u00eb shohim se si Sh\u00ebn Pali, fal\u00eb fes\u00eb, i fton Selanikasit q\u00eb \u00abt\u00eb mos trishtohen\u00bb<\/em> mes tundimeve t\u00eb k\u00ebsaj bot\u00eb, duke qen\u00eb ai e di mir\u00eb se t\u00eb krishterin e pret po ajo lavdi q\u00eb ka Krishti i Ngjallur s\u00eb vdekuri: \u00abN\u00ebse besojm\u00eb se Jezusi vdiq dhe u ngjall, at\u00ebher\u00eb Hyji patjet\u00ebr edhe ata q\u00eb vdiq\u00ebn, n\u00ebp\u00ebr Jezusin dhe bashk\u00eb me Jezusin do t\u2019i marr\u00eb n\u00eb lumturi\u00bb<\/em>. Edhe vet\u00eb Sh\u00ebn Pali, n\u00eb mes t\u00eb torturave t\u00eb ndryshme q\u00eb p\u00ebsoi p\u00ebr shkak t\u00eb Krishtit e t\u00eb zellit p\u00ebr shpirtrat, \u00abmbahej\u00bb<\/em> nga flatrat q\u00eb i jepte feja e gjall\u00eb. P\u00ebr k\u00ebt\u00eb fe martir\u00ebt thurnin lavde e poezi si ipeshkvi martir q\u00eb cituam n\u00eb fillim: \u00abMa mir\u00eb shtat\u00eb pash n\u00ebn dh\u00e8, se me bjerrun shejten F\u00e9\u00bb<\/em>. K\u00ebshtu mund t\u00eb \u00abmbahemi\u00bb<\/em> edhe ne nga feja. Mjafton q\u00eb \u00abdrit\u00ebz\u00ebn\u00bb<\/em> e bashk\u00ebpunimit ton\u00eb me Hirin e Zotit ta mbajm\u00eb t\u00eb ndezur gjithnj\u00eb.<\/p>\n\n\n\n Dom Dritan Ndoci E DIELA XXXII GJAT\u00cb VITIT A Urt 6, 12-16; Ps 63 (64); 1 Sel 4, 13-18; Mt 25, 1-13 Nj\u00ebri prej martir\u00ebve t\u00eb periudh\u00ebs komuniste n\u00eb Shqip\u00ebri, i Lumi Imzot Vin\u00e7enc Prennushi, kur ende ishte Frat, disa vjet para se t\u00eb shugurohej ipeshk\u00ebv, mes shum\u00eb poezive t\u00eb bukura q\u00eb krijoi, la t\u00eb shkruar edhe nj\u00eb … <\/p>\n
<\/p>\n","protected":false},"excerpt":{"rendered":"