![\"\"](\"http:\/\/www.maranatha.al\/wp-content\/uploads\/2020\/11\/Roma-san_giovanni_03-Copy.jpg\")
<\/figure>\n\n\n\nFesta e sotme p\u00ebrkutjon shugurimin e bazilik\u00ebs s\u00eb\nkushtuar Sh\u00ebn Gjonit, n\u00eb Laterano. Kjo bazilik\u00eb u d\u00ebshirua n\u00eb Rom\u00eb nga vet\u00eb\nperandori romak, Konstantini i Madh, pothuajse menj\u00ebher\u00eb pasi ai shpalli lirin\u00eb\ne kultit p\u00ebr t\u00eb krishter\u00ebt q\u00eb deri at\u00ebher\u00eb ishin t\u00eb p\u00ebrndjekur pothuajse n\u00eb\nmbar\u00eb perandorin\u00eb romake. Konstantini madje e caktoi krishterimin edhe si fen\u00eb\nzyrtare t\u00eb perandoris\u00eb s\u00eb tij. Kjo ngjarje pati nj\u00eb ndryshim shum\u00eb t\u00eb madh n\u00eb\njet\u00ebn e Kish\u00ebs, si p\u00ebr mir\u00eb, ashtu edhe p\u00ebr keq, sepse, n\u00ebse nga nj\u00ebra an\u00eb u\nfitua liria e d\u00ebshiruar, me privilegjet e pasurit\u00eb e m\u00ebdha q\u00eb Kisha filloi t\u00eb\ng\u00ebzonte, do t\u00eb shkonte shpesh edhe drejt nj\u00eb frym\u00eb shum\u00eb tok\u00ebsore t\u00eb t\u00eb\nshikuarit vetveten dhe misionin e saj n\u00eb bot\u00eb.<\/p>\n\n\n\n
Megjithat\u00eb, \u00ebsht\u00eb interesante t\u00eb dim\u00eb se kjo fest\u00eb e\nsotme ka q\u00ebndruar nd\u00ebr shekuj. Jo edhe aq p\u00ebr t\u00eb p\u00ebrkujtuar se nj\u00eb kish\u00eb n\u00eb\nRom\u00eb \u00ebsht\u00eb shuguruar n\u00eb vitin 324, por p\u00ebr t\u00eb theksuar r\u00ebnd\u00ebsin\u00eb e bashkimit me\npersonin e Pap\u00ebs, simbol i bashkimin t\u00eb t\u00eb gjitha kishave n\u00eb bot\u00eb. Ne gabojm\u00eb\nkur mendojm\u00eb se nj\u00eb simbol i till\u00eb \u00ebsht\u00eb bazilika e Sh\u00ebn Pjetrit, e cila, fal\u00eb\nmadh\u00ebshtis\u00eb s\u00eb saj, ka b\u00ebr\u00eb q\u00eb aty t\u00eb mblidhen m\u00eb shpesh t\u00eb krishter\u00ebt p\u00ebrreth\nPasardh\u00ebsit t\u00eb Sh\u00ebn Pjetrit. N\u00eb t\u00eb v\u00ebrtet\u00eb, Kisha n\u00ebn\u00eb e t\u00eb gjitha kishave t\u00eb\ntjera n\u00eb bot\u00eb, \u00ebsht\u00eb pik\u00ebrisht kjo Kish\u00eb e Sh\u00ebn Gjonit, n\u00eb Laterano, aty ky\nrealisht Papa e ka selin\u00eb e tij si ipeshk\u00ebv i Rom\u00ebs. Prandaj, pra, ne\np\u00ebrkujtojm\u00eb sot k\u00ebt\u00eb dit\u00eb, p\u00ebr t\u00eb shprehur bashkimin ton\u00eb me Pap\u00ebn, n\u00eb t\u00eb cilin\nne ndihemi t\u00eb bashkuar edhe me mbar\u00eb Kish\u00ebn Katolike.<\/p>\n\n\n\n
Nd\u00ebrtesat Kishtare n\u00eb k\u00ebt\u00eb bot\u00eb, kan\u00eb p\u00ebr q\u00ebllim t\u00eb jen\u00eb\nkryesisht shprehje e kultit t\u00eb v\u00ebrtet\u00eb n\u00eb shpirt q\u00eb ne gjithnj\u00eb jemi t\u00eb thirrur\nt\u2019i japim Hyjit. Sh\u00ebn Justinin, martirin e dashur filozof t\u00eb shekullit t\u00eb dyt\u00eb,\nprefekti q\u00eb do ta d\u00ebnonte, e pyeti: \u00abKu\nmblidheni ju t\u00eb krishter\u00ebt?\u00bb<\/em> e Justini iu p\u00ebrgjigj: \u00abKu t\u00eb d\u00ebshiroj\u00eb e t\u00eb mundet secili. Ti mendon se t\u00eb gjith\u00eb ne\nbashkohemi n\u00eb t\u00eb nj\u00ebjtin vend, por nuk \u00ebsht\u00eb ashtu, sepse Hyji i t\u00eb\nkrishter\u00ebve, q\u00eb \u00ebsht\u00eb i papash\u00ebm, nuk mund t\u00eb kufizohet n\u00eb asnj\u00eb vend, por ai\nmbush me lavdin\u00eb e tij qiellin e tok\u00ebn dhe \u00ebsht\u00eb i nderuar e lavd\u00ebruar kudo nga\nbesimtar\u00ebt e tij.\u00bb<\/em>. Sh\u00ebn Justini po i shpejgonte k\u00ebshtu m\u00eb s\u00eb miri\np\u00ebrndjek\u00ebsit t\u00eb tij at\u00eb q\u00eb Jezusi ia shpejgonte edhe Samaritanes, si\u00e7 d\u00ebgjuam\nn\u00eb Ungjillin e sot\u00ebm: \u00abPo vjen koha, e\ntani \u00ebsht\u00eb, kur adhuruesit e v\u00ebrtet\u00eb do ta adhurojn\u00eb Atin n\u00eb shpirt e n\u00eb t\u00eb\nv\u00ebrtet\u00eb, sepse Ati k\u00ebrkon shi adhurues t\u00eb till\u00eb. Hyji \u00ebsht\u00eb shpirt dhe ata q\u00eb e\nadhurojn\u00eb duhet ta adhurojn\u00eb n\u00eb shpirt e n\u00eb t\u00eb v\u00ebrtet\u00eb\u00bb<\/em>.<\/p>\n\n\n\n Edhe Salomoni mbret, si\u00e7 d\u00ebgjuam n\u00eb leximin e par\u00eb, dit\u00ebn\nkur u shugurua Tempulli i Jerusalemit, ishte i vet\u00ebdijsh\u00ebm se ai Tempull nuk\nmjaftonte p\u00ebr ta p\u00ebrmbledhur n\u00eb t\u00eb t\u00ebr\u00eb lavdin\u00eb e madh\u00ebshtin\u00eb e Hyjit: \u00abQielli vet\u00eb e qiejt e qiejve ty nuk mund t\u00eb\nt\u00eb z\u00ebn\u00eb. Aq m\u00eb pak kjo Sht\u00ebpi q\u00eb un\u00eb e nd\u00ebrtova. Por, v\u00ebri veshin urat\u00ebs s\u00eb\nsh\u00ebrb\u00ebtorit t\u00ebnd dhe lutjeve t\u00eb tija, o Zot, Hyji im!\u00bb<\/em>. <\/p>\n\n\n\n Edhe n\u00eb leximin e dyt\u00eb, Sh\u00ebn Pjetri i ftonte t\u00eb krishter\u00ebt e par\u00eb q\u00eb t\u2019i afrohen Krishtit, \u00abGurit t\u00eb gjall\u00eb\u00bb<\/em> e jo ndonj\u00eb tempulli prej gur\u00ebsh. Sepse vet\u00ebm n\u00eb Krishtin e Vdekur e t\u00eb Ngjallur mund t\u00eb bashkohen me Hyjin \u00abadhuruesit e v\u00ebrtet\u00eb\u00bb<\/em>. E Sh\u00ebn Pjetri vazhdon duke shpjeguar se n\u00eb Krishtin t\u00eb krishter\u00ebt b\u00ebhen pjes\u00eb e Trupit t\u00eb tij Mistik q\u00eb \u00ebsht\u00eb Kisha: \u00abQ\u00eb edhe ju, si gur\u00eb t\u00eb gjall\u00eb, t\u00eb nd\u00ebrtoheni Sht\u00ebpi shpirt\u00ebrore, p\u00ebr t\u00eb qen\u00eb meshtar\u00ed e shenjt\u00eb, p\u00ebr t\u00eb kushtuar fli shpirt\u00ebrore, q\u00eb i p\u00ebrlqejn\u00eb Hyjit n\u00ebp\u00ebr Jezu Krishtin\u00bb<\/em>.<\/p>\n\n\n\n T\u00eb gjitha nd\u00ebrtesat kishtare n\u00eb bot\u00eb kan\u00eb kuptimin e tyre\nt\u00eb v\u00ebrtet\u00eb n\u00eb faktin se ato na shtyjn\u00eb t\u00eb bashkohemi realisht n\u00eb shpirt me\nHyjin. Pik\u00ebrisht ky bashkim i yni me Hyjin i jep shenjt\u00ebri edhe vendit ku\nbashkohemi dhe na shtyn t\u00eb k\u00ebrkojm\u00eb edhe nj\u00eb vend fizik, kur rrethanat na e\nmund\u00ebsojn\u00eb, q\u00eb t\u00eb bashkohemi edhe me nj\u00ebri-tjetrin n\u00eb ndonj\u00eb nd\u00ebrtes\u00eb t\u00eb\np\u00ebrshtatshme, nd\u00ebrtes\u00eb e cila simbolizon bashkimin ton\u00eb jo vet\u00ebm me Hyjin, por\nedhe me nj\u00ebri-tjetrin.<\/p>\n\n\n\n Prandaj shugurimi i Bazilik\u00ebs s\u00eb Lateranit ka r\u00ebnd\u00ebsi t\u00eb\nve\u00e7ant\u00eb, sepse simbolizon jo vet\u00ebm bashkimin ton\u00eb n\u00eb shpirt me Hyjin e jo vet\u00ebm\nbashkimin n\u00eb mes t\u00eb krishter\u00ebve t\u00eb ndonj\u00eb kishe lokale, por edhe bashkimin me\nt\u00eb gjith\u00eb t\u00eb krishter\u00ebt n\u00eb bot\u00eb dhe, sidomos, me Pasardh\u00ebsin e Sh\u00ebn Pjetrit q\u00eb\n\u00ebsht\u00eb Papa, n\u00eb bashkim me pasardh\u00ebsit e apostujve q\u00eb jan\u00eb ipeshkvinjt\u00eb. Kemi\nnevoj\u00eb t\u00eb paz\u00ebvend\u00ebsueshme p\u00ebr k\u00ebt\u00eb bashkim, sepse aty ne mund t\u00eb marrim\nplot\u00ebsin\u00eb e hireve q\u00eb Krishti ia ka mund\u00ebsuar Kish\u00ebs s\u00eb Tij. Mungesa e\nbashkimit me Pap\u00ebn sjell edhe munges\u00ebn e theksuar t\u00eb k\u00ebtyre hireve q\u00eb i marrim\nn\u00eb sakramente e n\u00eb forma t\u00eb tjera nga dinjiteti i tij dhe i ipeshkvinjve.\nPatjet\u00ebr q\u00eb edhe Papa me ipeshkvinjt\u00eb jan\u00eb t\u00eb brisht\u00eb dhe nevojtar\u00eb p\u00ebr\nM\u00ebshir\u00ebn Hyjnore. Madje, pik\u00ebrisht ngaq\u00eb \u00abu\n\u00ebsht\u00eb besuar shum\u00eb, prej tyre do t\u00eb k\u00ebrkohet edhe m\u00eb shum\u00eb\u00bb<\/em> llogari nga\nKrishti, kur t\u00eb dalin para Tij n\u00eb fund t\u00eb jet\u00ebs s\u00eb tyre (Lk 12, 48). Por,\nbashkimi me ta \u00ebsht\u00eb i domosdosh\u00ebm, n\u00eb m\u00ebnyr\u00eb q\u00eb t\u00eb mund t\u00eb b\u00ebhemi \u00abgur\u00eb t\u00eb gjall\u00eb\u00bb <\/em>n\u00eb m\u00ebnyr\u00ebn m\u00eb t\u00eb plot\u00eb.<\/p>\n\n\n\n N\u00eb shekullin IV, Sh\u00ebn Ambrozi, ipeshkvi i madh\nMilanos, shkruante: \u00abKu \u00ebsht\u00eb Pjetri, aty\n\u00ebsht\u00eb Kisha.\u00bb<\/em>. Meshtari italian, Sh\u00ebn Luigji Orione, m\u00ebsonte k\u00ebshtu n\u00eb\nshekullin XX: \u00abBesojma jon\u00eb \u00ebsht\u00eb Papa, morali yn\u00eb \u00ebsht\u00eb Papa; dashuria\njon\u00eb, zemra jon\u00eb, arsyeja e jet\u00ebs son\u00eb \u00ebsht\u00eb Papa. P\u00ebr ne Papa \u00ebsht\u00eb Jezu\nKrishti: t\u00eb duash Pap\u00ebn dhe t\u00eb duash Jezusin, \u00ebsht\u00eb e nj\u00ebjta gj\u00eb; t\u00eb d\u00ebgjosh\ndhe t\u00eb ndjek\u00ebsh Pap\u00ebn do t\u00eb thot\u00eb t\u00eb d\u00ebgjosh dhe t\u00eb ndjek\u00ebsh Jezu Krishtin; t\u2019i\nsh\u00ebrbesh Pap\u00ebs do t\u00eb thot\u00eb t\u2019i sh\u00ebrbesh Jezu Krishtit; t\u00eb jap\u00ebsh jet\u00ebn p\u00ebr\nPap\u00ebn, do t\u00eb thot\u00eb t\u00eb jap\u00ebsh jet\u00ebn p\u00ebr Jezu Krishtin.\u00bb. <\/em>Prandaj edhe n\u00eb Shqip\u00ebri, shum\u00eb martir\u00eb e dhan\u00eb\njet\u00ebn n\u00ebn diktatur\u00ebn komuniste, ngaq\u00eb nuk pranuan t\u00eb shk\u00ebputen nga bashkimi me\nSelin\u00eb e Shenjt\u00eb. Imzot Frano Gjini, kur n\u00eb vitin 1946 i k\u00ebrkuan ta b\u00ebnte nj\u00eb\ngj\u00eb t\u00eb till\u00eb, si ipeshk\u00ebv dhe si Delegat Apostolik q\u00eb ishte, u p\u00ebrgjigjej: \u00abUn\u00eb nuk do ta ndaj kurr\u00eb grigj\u00ebn time nga\nSelia Shenjte. Nuk do ta baj kurr\u00eb, derisa t\u00eb kem jet\u00eb.\u00bb<\/em>. E torturuan sa\nnuk thuhet p\u00ebr tet\u00eb muaj rresht, duke e v\u00ebn\u00eb n\u00ebn t\u00eb dridhurat e korrentit elektrik,\nduke e futur n\u00eb uj\u00eb t\u00eb ngrir\u00eb, duke i ngulur kunja pishe n\u00ebn thonj dhe duke ia\nndezur ato, duke e l\u00ebn\u00eb pa ngr\u00ebn\u00eb p\u00ebr jav\u00eb t\u00eb t\u00ebra. Desh\u00ebn ta thyenin vullnetin\ne tij, por nuk ia dol\u00ebn. At\u00ebher\u00eb e d\u00ebnuan me vdekje. Kur, para pushkatimit, i\nk\u00ebrkuan t\u00eb thoshte fjal\u00ebt e fundit, ai edhe aty e b\u00ebri d\u00ebshmin\u00eb e fes\u00eb s\u00eb vet,\np\u00ebr t\u00eb cil\u00ebn po vdiste: \u00abRrnoft\u00eb Krishti\nMbret, Feja katolike dhe katolik\u00ebt n\u00eb bot\u00eb. Rrnoft\u00eb Papa: gjaku e trupi jem\nmbeten k\u00ebtu, por shpirti e zemra jeme jan\u00eb te Papa. Rrnoft\u00eb Shqipnia!\u00bb<\/em>.<\/p>\n\n\n\n Na ndihmoft\u00eb Zoti q\u00eb, n\u00eb bashkim t\u00eb p\u00ebrnj\u00ebmendt\u00eb n\u00eb mes nesh, t\u2019i afrohemi gjithnj\u00eb e m\u00eb shum\u00eb n\u00eb shpirt Krishtit, sepse n\u00eb T\u00eb e takojm\u00eb Hyjin dhe b\u00ebhemi \u00abfis i zgjedhur, meshtar\u00ed mbret\u00ebrore, komb i shenjt\u00eb, popull q\u00eb Hyji e fitoi p\u00ebr vete\u00bb<\/em>, duke qen\u00eb se n\u00eb Krishtin, me forc\u00ebn e Shpirtin Shenjt, ne e adhurojm\u00eb Hyjin At\u00eb \u00abn\u00eb shpirt e n\u00eb t\u00eb v\u00ebrtet\u00eb\u00bb<\/em>.<\/p>\n\n\n\n Dom Dritan Ndoci KUSHTIMI I BAZILIK\u00cbS LATERANE – 9 n\u00ebntor 1 Mbr 8, 22-23.27-30; Ps 95 (94); 1 Pjt 2, 4-9; Gjn 4, 19-24 Festa e sotme p\u00ebrkutjon shugurimin e bazilik\u00ebs s\u00eb kushtuar Sh\u00ebn Gjonit, n\u00eb Laterano. Kjo bazilik\u00eb u d\u00ebshirua n\u00eb Rom\u00eb nga vet\u00eb perandori romak, Konstantini i Madh, pothuajse menj\u00ebher\u00eb pasi ai shpalli lirin\u00eb e kultit … <\/p>\n
<\/p>\n","protected":false},"excerpt":{"rendered":"