![\"\"](\"http:\/\/www.maranatha.al\/wp-content\/uploads\/2022\/03\/Jezusi.jpg\")
<\/figure>\n\n\n\nSh\u00ebn\nPiu nga Pietral\u00e7ina e quante djallin me tallje \u00abGj\u00eb e mbrap\u00adsht\u00eb\u00bb<\/em>. Ia kishte provuar mir\u00eb ky shenjt forc\u00ebn\nmashtruese dhe t\u00ebrbimin e tij, prandaj edhe e njihte mir\u00eb. Me Hirin e Hyjit,\nSh\u00ebn Piu kurr\u00eb nuk u mposht prej tij, por provat ishin v\u00ebrtet nga m\u00eb t\u00eb\nnd\u00ebrlikuarat e m\u00eb t\u00eb dhimbshmet. <\/p>\n\n\n\n Kjo \u00abgj\u00eb e mbrapsht\u00eb\u00bb<\/em> na tundon edhe ne shum\u00eb\nshpesh e prandaj Kisha, n\u00eb k\u00ebt\u00eb t\u00eb diel\u00eb t\u00eb par\u00eb t\u00eb koh\u00ebs s\u00eb krezhm\u00ebve,\nd\u00ebshiron t\u00eb na ndihmoj\u00eb t\u2019i shmangemi k\u00ebtyre tundimeve. <\/p>\n\n\n\n Sot,\nn\u00eb leximin e par\u00eb, kemi d\u00ebgjuar nj\u00eb pjes\u00eb t\u00eb shk\u00ebputur nga libri i Ligjit t\u00eb\nP\u00ebrt\u00ebrir\u00eb, pjes\u00eb e cila quhet ndryshe edhe si Besojma<\/em> e izraelitit. Kjo ngaq\u00eb aty p\u00ebrmblidhen pikat ky\u00e7e t\u00eb\nhistoris\u00eb s\u00eb sh\u00eblbimin deri n\u00eb at\u00eb koh\u00eb, n\u00eb dobi t\u00eb popullit t\u00eb Tij t\u00eb\nzgjedhur. \u00cbsht\u00eb shum\u00eb e r\u00ebnd\u00ebsishme q\u00eb, her\u00eb pas here, edhe ne ta hedhim\nshikimin pas e t\u00eb v\u00ebrejm\u00eb pranin\u00eb e Hyjit n\u00eb jet\u00ebn ton\u00eb, n\u00eb jet\u00ebn e popullit\nton\u00eb e n\u00eb jet\u00ebn e mbar\u00eb bot\u00ebs. K\u00ebshtu do ta kemi m\u00eb t\u00eb leht\u00eb t\u00eb besojm\u00eb se\nHyjin e kemi pran\u00eb me bekimet e Tij dhe, si pasoj\u00eb, do t\u00eb dim\u00eb t\u2019i shmangemi\nkurtheve t\u00eb tundimeve t\u00eb ndryshme.<\/p>\n\n\n\n Por\nne t\u00eb krishter\u00ebve na duhet t\u00eb kujtohemi sidomos p\u00ebr nj\u00eb histori tjet\u00ebr edhe m\u00eb\nt\u00eb madhe. Sh\u00ebn Pali thot\u00eb sot: \u00abV\u00ebllez\u00ebr,\n\u00e7ka thot\u00eb Shkrimi Shenjt: \u2018Af\u00ebr e ke fjal\u00ebn, n\u00eb goj\u00ebn t\u00ebnde dhe n\u00eb zemr\u00ebn\nt\u00ebnde\u2019 d.m.th. fjal\u00ebn e fes\u00eb q\u00eb ne predikojm\u00eb\u00bb<\/em>. E, fjala e fes\u00eb q\u00eb Sh\u00ebn\nPali predikon, \u00ebsht\u00eb Jezu Krishti i Vdekur e i Ngjallur. E thot\u00eb ai vet\u00eb diku\ntjet\u00ebr n\u00eb letrat e tij: \u00abJu shpalla edhe\nato t\u00eb v\u00ebrteta q\u00eb edhe un\u00eb mora: se Krishti vdiq p\u00ebr m\u00ebkatet tona sikurse paralajm\u00ebroi\nShkrimi Shenjt. Qe varrosur e t\u00eb tret\u00ebn dit\u00eb u ngjall s\u00eb vdekuri si u tha n\u00eb\nShkrimin Shenjt\u00bb<\/em> (1 Kor 15, 3-5). P\u00ebr izraelit\u00ebt ishte e r\u00ebnd\u00ebsishme ajo\nformula q\u00eb d\u00ebgjuam n\u00eb leximin e par\u00eb. Por, e gjith\u00eb Bes\u00eblidhja e Vjet\u00ebr, ishte\np\u00ebrgatitje p\u00ebr kuptimin e sh\u00eblbimit q\u00eb do ta sillte Krishti, prandaj tashm\u00eb\n\u00ebsht\u00eb predikimi apostolik mbi Krishtin e Vdekur e t\u00eb Ngjallur q\u00eb duhet t\u00eb\nkujtojm\u00eb e t\u00eb shpallim.<\/p>\n\n\n\n \u00cbsht\u00eb\nmir\u00eb ta kemi parasysh k\u00ebt\u00eb shk\u00ebmb t\u00eb\nsigurt<\/em>. K\u00ebshtu, kur t\u00eb na vijn\u00eb tundimet, do t\u00eb mund t\u00eb jemi m\u00eb t\u00eb\nq\u00ebndruesh\u00ebm n\u00eb fe, n\u00eb shpres\u00eb dhe n\u00eb dashuri.<\/p>\n\n\n\n E,\nUngjilli i sot\u00ebm, na thot\u00eb se tundimet nuk i munguan as Jezusit. N\u00eb k\u00ebt\u00eb koh\u00eb\nkrezhm\u00ebsh Kisha d\u00ebshiron t\u00eb na ndihmoj\u00eb n\u00eb luft\u00ebn ton\u00eb t\u00eb p\u00ebrditshme kund\u00ebr\ntundimeve t\u00eb pashmangshme. Jezusi del fitimtar mbi k\u00ebto tundime, pik\u00ebs\u00ebpari\nngaq\u00eb Ai \u00ebsht\u00eb Hyj e \u00abHyji nuk mund t\u00eb\njet\u00eb i tunduar p\u00ebr t\u00eb keq\u00bb<\/em> (Jak 1, 13), por, nd\u00ebrkoh\u00eb, Ai na m\u00ebson edhe nj\u00eb\nm\u00ebnyr\u00eb shum\u00eb praktike p\u00ebr t\u2019ia mbyllur shtigjet t\u00eb keqit: t\u00eb p\u00ebrdorim Shkrimin\nShenjt. <\/p>\n\n\n\n \u00cbsht\u00eb\ninteresant t\u00eb shohim se si, n\u00eb t\u00eb tria tundimet e tij, djalli e fillon\nformulimin e fjalive t\u00eb veta me fjal\u00ebt \u00abN\u00ebse\nje Biri i Hyjit\u00bb<\/em>: djalli paska si \u201cstil pune\u201d v\u00ebnien n\u00eb kriz\u00eb t\u00eb identitetit\nvetjak! Thot\u00eb nj\u00eb fjal\u00eb e urt\u00eb: \u00abUjku\nmjegull do.\u00bb<\/em> Edhe djalli k\u00ebrkon m\u00eb par\u00eb t\u00eb na mjegulloj\u00eb identitetin ton\u00eb\nsi bij e bija t\u00eb Hyjit e, pastaj, betej\u00ebn do ta ket\u00eb m\u00eb t\u00eb leht\u00eb ta fitoj\u00eb. Por\nJezusi nuk e pranon k\u00ebt\u00eb kompromis me pasoja fatale.<\/p>\n\n\n\n Duke\ni marr\u00eb me radh\u00eb t\u00eb tria p\u00ebrpjekjet e djallit p\u00ebr ta b\u00ebr\u00eb Jezusin t\u00eb largohej\nnga misioni i Tij p\u00ebr sh\u00eblbimin e bot\u00ebs, mund t\u00eb v\u00ebrejm\u00eb se si aty p\u00ebrmblidhen\nedhe t\u00eb gjitha pikat kryesore mbi t\u00eb cilat djalli p\u00ebrpiqet t\u00eb na mashtroj\u00eb e t\u00eb\nna largoj\u00eb edhe ne nga Hiri i Hyjit.<\/p>\n\n\n\n I\nthot\u00eb Jezusit: \u00abN\u00ebse je Biri i Hyjit,\nurdh\u00ebroji k\u00ebtij guri t\u00eb b\u00ebhet buk\u00eb.\u00bb<\/em> Mendimi se \u00e7far\u00eb do t\u00eb ham\u00eb e \u00e7far\u00eb do t\u00eb pijm\u00eb<\/em>, sado i drejt\u00eb e i shenjt\u00eb q\u00eb\n\u00ebsht\u00eb n\u00eb vetvete, e dim\u00eb se shpesh mund t\u00eb na b\u00ebj\u00eb \u00abt\u00eb notojm\u00eb n\u00eb uj\u00ebra t\u00eb thella e t\u00eb rrezikshme\u00bb<\/em>, pra, t\u00eb shtyhemi\nn\u00eb nj\u00eb jet\u00eb pa Zot e pa bashk\u00ebndarje me ata q\u00eb jan\u00eb m\u00eb n\u00eb nevoj\u00eb. Djalli donte\nta b\u00ebnte Jezusin t\u00eb mendonte se Ati e kishte harruar. Edhe neve mund t\u00eb na\nparaqitet ndonj\u00eb situat\u00eb ku v\u00ebrtet na duhet t\u00eb zgjedhim mes l\u00ebshimit n\u00eb dor\u00ebn e\nZotit, apo m\u00ebkatit dhe, djalli, shpejton t\u00eb na b\u00ebj\u00eb t\u00eb zgjedhim k\u00ebt\u00eb t\u00eb dytin. <\/p>\n\n\n\n P\u00ebrgjigjja\ne Jezusit \u00abNjeriu nuk mund t\u00eb jetoj\u00eb\nvet\u00ebm me buk\u00eb\u00bb<\/em> nuk ka nd\u00ebr mend t\u00eb na b\u00ebj\u00eb t\u00eb mendojm\u00eb se nuk na duhet gj\u00eb\nbuka p\u00ebr jetes\u00eb, por se nuk duhet \u00abvet\u00ebm\nbuka\u00bb<\/em>: pra, nuk mjafton vet\u00ebm shpjegimi biologjik<\/em>\np\u00ebr t\u00eb folur mbi krejt njeriun, por ka edhe shum\u00eb aspekte t\u00eb tjera. Pastaj,\nduhet b\u00ebr\u00eb llogaria se ekziston edhe Provania e Hyjit. Jezusi n\u00eb Ungjill nuk\nqortonte pun\u00ebn p\u00ebr jetes\u00eb, por \u00abbrengosjen\nse \u00e7far\u00eb do t\u00eb ham\u00eb e \u00e7far\u00eb do t\u00eb pijm\u00eb\u00bb<\/em> (Mt 6, 25), sepse kjo \u00abbrengosje\u00bb<\/em> nuk lejon t\u2019i shohim shenjat\ne Provanis\u00eb s\u00eb Hyjit At\u00eb.<\/p>\n\n\n\n N\u00eb\ntundimin e dyt\u00eb, djalli e fton Jezusin t\u00eb p\u00ebrkulet para tij n\u00eb adhurim. N\u00eb\nshk\u00ebmbim do t\u2019i jepte t\u00ebr\u00eb pushtetin e lavdin\u00eb e mbret\u00ebrive t\u00eb bot\u00ebs, q\u00eb thot\u00eb\nse qenkan t\u00eb tijat. Por djalli k\u00ebtu g\u00ebnjen, \u00absepse\n\u00ebsht\u00eb rrenacak dhe babai i rren\u00ebs\u00bb<\/em> (Gjn 8, 44). Nuk \u00ebsht\u00eb e v\u00ebrtet\u00eb se\nmbret\u00ebrit\u00eb e bot\u00ebs jan\u00eb n\u00eb pushtetin e tij, sepse bot\u00ebn e udh\u00ebheq Shpirti i\nHyjit. T\u00eb gjith\u00eb ata q\u00eb b\u00ebjn\u00eb t\u00eb mir\u00ebn, ndjekin diktimin q\u00eb Shpirti i Hyjit b\u00ebn\nn\u00eb nd\u00ebrgjegjen e tyre. Ka mjaft njer\u00ebz t\u00eb mir\u00eb. Madje shumica jan\u00eb t\u00eb till\u00eb,\nedhe pse p\u00ebr k\u00ebta flitet rrall\u00eb. Mediat moderne, shpesh, b\u00ebhen aleate t\u00eb\nfuqishme t\u00eb djallit n\u00eb k\u00ebt\u00eb \u201cfushat\u00eb\u201d t\u00eb tij\u00ebn p\u00ebr t\u00eb mbjell\u00eb shkurajim tek t\u00eb\nmir\u00ebt. Por djallit i intereson q\u00eb Jezusit t\u2019ia fsheh\u00eb k\u00ebt\u00eb t\u00eb v\u00ebrtet\u00eb. K\u00ebshtu\nb\u00ebn edhe me ne ky mashtrues i keq, kjo \u00abgj\u00eb\ne mbrapsht\u00eb\u00bb<\/em>. <\/p>\n\n\n\n Me\nk\u00ebt\u00eb lloj tundimi, ve\u00e7, djalli mund t\u00eb b\u00ebj\u00eb shum\u00eb veta q\u00eb t\u00eb bien n\u00eb m\u00ebkate,\nsepse lakmia p\u00ebr pushtet t\u00eb cil\u00ebn ai e premton, t\u00ebrheq shum\u00eb njer\u00ebz. Sa luftra\nkan\u00eb shp\u00ebrthyer vet\u00ebm nga lakmia e pap\u00ebrmbajtur p\u00ebr pushtet nga shum\u00eb\ndiktator\u00eb?! Pastaj, sa shfryt\u00eb\u00adzime t\u00eb t\u00eb varf\u00ebrve b\u00ebhen n\u00eb bot\u00eb, vet\u00ebm ngaq\u00eb\ndisa, edhe pse pakic\u00eb, nuk kan\u00eb t\u00eb ngopur me pushtetin q\u00eb u sjell\u00eb paraja?! Sa\nm\u00ebkate edhe kund\u00ebr urdh\u00ebrimit t\u00eb gjasht\u00eb b\u00ebhen vet\u00ebm nga shtysa e \u201cpushtetit\u201d\nq\u00eb aty, me mashtrim, djalli premton se do t\u00eb arrihet?! P\u00ebr t\u00eb mos folur,\npastaj, p\u00ebr raste v\u00ebrtet shum\u00eb t\u00eb rrezikshme t\u00eb njer\u00ebzve q\u00eb b\u00ebjn\u00eb deri edhe pakte\nme djallin n\u00ebp\u00ebr magjistar\u00eb t\u00eb ndry\u00adsh\u00ebm, p\u00ebr t\u00eb fituar pushtetin q\u00eb ai\npremton, por nuk e dijn\u00eb t\u00eb keqen e madhe q\u00eb gjithnj\u00eb u kanoset n\u00eb jet\u00ebn e tyre\ndhe, pa pasur frik\u00eb se e teprojm\u00eb, edhe n\u00eb jet\u00ebn e brezave q\u00eb u vijn\u00eb pas.<\/p>\n\n\n\n \u00abAdhuro Zotin, Hyjin t\u00ebnd, dhe\nvet\u00ebm Atij sh\u00ebrbeji!\u00bb<\/em>, p\u00ebrgjigjet i prer\u00eb Jezusi, duke cituar edhe k\u00ebtu Shkrimin Shenjt.\nDjallit, shum\u00eb shpesh, shum\u00eb m\u00eb shpesh nga sa ne mendojm\u00eb, duhet t\u2019ia presim\nshkurt e, t\u00eb ndihmohemi nga fjal\u00ebt e Shkrimit t\u00eb Shenjt\u00eb, \u00ebsht\u00eb rruga m\u00eb e\nshkurt\u00ebr e m\u00eb efikase.<\/p>\n\n\n\n N\u00eb\ntundimin e tret\u00eb, djalli, duke e par\u00eb se Jezusi p\u00ebrdor\u00eb Shkrimin Shenjt si\narm\u00eb, vendos ta p\u00ebrdor\u00eb edhe ai. E \u00e7on n\u00eb maj\u00eb t\u00eb Tempullit dhe i thot\u00eb: \u00abN\u00ebse je Biri i Hyjit, hidhu prej k\u00ebtu\nposht\u00eb, sepse Shkrimi Shenjt thot\u00eb: \u201cHyji p\u00ebr ty do t\u2019u urdh\u00ebroj\u00eb engj\u00ebjve t\u00eb\nvet q\u00eb t\u00eb ruajn\u00eb.\u201d\u00bb<\/em><\/p>\n\n\n\n Kjo\n\u00ebsht\u00eb m\u00ebnyra m\u00eb e holl\u00eb e tundimit: mb\u00ebshtjellja e helmit me buk\u00eb. Sa t\u00eb shumta\njan\u00eb rastet kur e keqja<\/em> serviret si e mir\u00eb<\/em>? Sa t\u00eb shumta jan\u00eb rastet kur\narrihet n\u00eb m\u00ebkate nga m\u00eb t\u00eb ndytat, duke p\u00ebrdorur edhe Shkrimin Shenjt si\njustifikim? Sa luftrat jan\u00eb b\u00ebr\u00eb duke p\u00ebrdorur emrin e Zotit? Thuhet se nj\u00eb\nher\u00eb, n\u00eb shekullin XIV, Jezusi iu shfaq Shenjtes Brixhild\u00eb t\u00eb Suedis\u00eb dhe, duke\niu ankuar asaj p\u00ebr korrupsionin q\u00eb kishte hyr\u00eb thell\u00eb n\u00eb Vatikanin e asaj\nperiudhe, i thoshte plot dhimbje: \u00abK\u00ebta\njan\u00eb m\u00eb t\u00eb k\u00ebqinj se Juda, sepse Juda m\u00eb ka tradhtuar vet\u00ebm mua, por k\u00ebta po\ntradhtojn\u00eb e ftohin nd\u00ebrgjegjet e shum\u00eb e shum\u00eb bestimtar\u00ebve q\u00eb presin prej\ntyre m\u00ebsime t\u00eb shenjta e jo shtr\u00ebmb\u00ebrime e padr\u00ebjt\u00ebsi\u00bb<\/em>. \u00abM\u00eb t\u00eb k\u00ebqinj se Juda\u00bb<\/em> qenkan t\u00eb gjith\u00eb\nata q\u00eb p\u00ebrdorin emrin e Zotit dhe Shkrimin Shenjt p\u00ebr t\u00eb arritur mashtrime e\npadrejt\u00ebsi.<\/p>\n\n\n\n K\u00ebtu\nhyjn\u00eb patjet\u00ebr edhe t\u00eb gjith\u00eb ata njer\u00ebz q\u00eb merren me rituale magjike, t\u00eb cil\u00ebt\nthuhet se, n\u00eb mes k\u00ebtyre ritualeve, b\u00ebjn\u00eb edhe shenj\u00ebn e kryqit, p\u00ebrmendin\nemrin e Zotit dhe sht\u00ebpin\u00eb e kan\u00eb plot me fugure. Por p\u00ebrfundimi \u00ebsht\u00eb se\nk\u00ebshtu i largojn\u00eb njer\u00ebzit nga sakramentet, nga Shkrimi Shenjt, nga bashkimi me\nKish\u00ebn, nga dashuria deri edhe p\u00ebr armikun, si edhe nga lutja e sinqert\u00eb. Sa t\u00eb\nk\u00ebqijat i b\u00ebjn\u00eb duke p\u00ebrdorur gjoja p\u00ebr mir\u00eb gj\u00ebrat e shenjta!<\/p>\n\n\n\n Por\nJezusi di ta p\u00ebrdor\u00eb si duhet Shkrimin Shenjt. \u00abTa b\u00ebjm\u00eb mir\u00eb t\u00eb mir\u00ebn!\u00bb<\/em> \u2013 thoshte Sh\u00ebn Leonardo Murialdo. Jezusi,\nngaq\u00eb e ka zemr\u00ebn e past\u00ebr, ngaq\u00eb e do v\u00ebrtet\u00eb Atin e vet dhe e di mir\u00eb se Ati\ne do shum\u00eb, di t\u00eb dalloj\u00eb mir\u00eb. Prandaj djallit i p\u00ebrgjigjet me fjal\u00ebt: \u00abPor u tha edhe \u201cMos e tundo Zotin, Hyjin\nt\u00ebnd!\u201d\u00bb<\/em> Zemra e past\u00ebr, largimi nga egoizmi, bindja se Hyji na do dhe\ndashuria jon\u00eb p\u00ebr T\u00eb, qenkan \u00absita\u00bb<\/em>\nt\u00eb cil\u00ebn Shpirti Shenjt e p\u00ebrdor\u00eb p\u00ebr t\u00eb na ndihmuar t\u00eb \u00abshoshisim\u00bb<\/em> si duhet n\u00eb nd\u00ebrgjegjen ton\u00eb.<\/p>\n\n\n\n Izraelit\ndikur Hyji i k\u00ebrkonte t\u00eb kujtohej p\u00ebr veprat e Zotit n\u00eb popullin e zgjedhur,\nn\u00ebse donte t\u00eb q\u00ebndronte i fort\u00eb n\u00eb fe. T\u00eb krishterit, Hyji tani i k\u00ebrkon t\u00eb\nrr\u00ebnjoset n\u00eb vepr\u00ebn m\u00eb t\u00eb madhe n\u00eb historin\u00eb e sh\u00eblbimit t\u00eb njer\u00ebzimit, q\u00eb\n\u00ebsht\u00eb Vdekja e Ngjallja e Birit t\u00eb vet Jezu Krishtit. Me ndihm\u00ebn e Hirit t\u00eb\nKrishtit t\u00eb Ngjallur dhe duke i besuar Fjal\u00ebs s\u00eb Tij, do t\u00eb dim\u00eb t\u2019i shmangim\nkurthet e djallit, mashtruesit t\u00eb keq.<\/p>\n\n\n\n Sa i\nbukur del se \u00ebsht\u00eb, at\u00ebher\u00eb, ai rreshti i psalmit q\u00eb d\u00ebgjuam sot, po t\u2019ia\ndrejtojm\u00eb Krishtit t\u00eb Vdekur e t\u00eb Ngjallur: \u00abStrehimi\nim, k\u00ebshtjella ime, Hyji im, do t\u00eb shpresoj n\u00eb Ty!\u00bb<\/em><\/p>\n\n\n\n Dom Dritan Ndoci<\/p>\n","protected":false},"excerpt":{"rendered":" E DIELA I E KREZHM\u00cbVE – Viti C Lp 26, 4-10; Ps 90 (89); Rom 10, 8-13; Lk 4, 1-13 Sh\u00ebn Piu nga Pietral\u00e7ina e quante djallin me tallje \u00abGj\u00eb e mbrap\u00adsht\u00eb\u00bb. Ia kishte provuar mir\u00eb ky shenjt forc\u00ebn mashtruese dhe t\u00ebrbimin e tij, prandaj edhe e njihte mir\u00eb. Me Hirin e Hyjit, Sh\u00ebn Piu … <\/p>\n