![\"\"](\"https:\/\/www.maranatha.al\/wp-content\/uploads\/2022\/09\/XXV-domenica-tempo-ordinario-C.jpg\")
<\/figure>\n\n\n\nT\u00eb diel\u00ebn e kaluar kemi d\u00ebgjuar pjes\u00ebn ungjillore\nku Jezusi tregon tri sh\u00ebmb\u00eblltyra q\u00eb na shprehin g\u00ebzimin e Hyji p\u00ebr kthimin e\nnj\u00eb m\u00ebkatari. Sh\u00ebmb\u00eblltyra e fundit ishte ajo e babait q\u00eb kishte dy djem. P\u00ebr\ndjalin e vog\u00ebl, Jezusi thot\u00eb vet\u00ebm se u kthye tek i ati, por nuk tregon se si\nai filloi t\u00eb sillej aty e tutje n\u00eb at\u00eb sht\u00ebpi. Paraja m\u00eb par\u00eb kishte qen\u00eb\nshpresa dhe g\u00ebzimi i tij, por e kuptoi se ishte zhg\u00ebnjyese nj\u00eb ide e till\u00eb.\nDuke u kthyer tek i ati, iu rikthye edhe kontakti me paran\u00eb. Por Ungjilli nuk\nna e tregon se si ai e shihte tani paran\u00eb dhe si e p\u00ebrdorte at\u00eb. Prandaj\nsh\u00ebmb\u00eblltyra e Ungjillit t\u00eb sot\u00ebm \u00ebsht\u00eb nj\u00eb lloj p\u00ebrgjigjeje ndaj k\u00ebsaj\npyetjeje.<\/p>\n\n\n\n
Aty Jezusi tregon jo vazhdimin e sh\u00ebmb\u00eblltyr\u00ebs s\u00eb\nm\u00ebsip\u00ebrme, por nj\u00eb sh\u00ebmb\u00eblltyre krejt tjet\u00ebr. Na flet p\u00ebr nj\u00eb sh\u00ebrb\u00ebtor q\u00eb\nkishte qen\u00eb abuzues me mbar\u00ebshtimin e pasuris\u00eb s\u00eb zot\u00ebris\u00eb s\u00eb vet. Kur zot\u00ebria\ni tij e mori vesh k\u00ebt\u00eb, e thirri dhe e b\u00ebri t\u00eb\njepte llogari p\u00ebr mbar\u00ebshtimin e tij<\/em>, pra, t\u00eb b\u00ebnte dor\u00ebzimet e pun\u00ebs s\u00eb\nvet deri at\u00ebher\u00eb. Por ky, edhe n\u00eb k\u00ebt\u00eb \u00e7ast t\u00eb fundit, vazhdoi t\u00eb ishte\nabuzues. Borxhlinjve t\u00eb zot\u00ebris\u00eb s\u00eb vet ai u tha t\u00eb shkruanin m\u00eb pak nga sa i\nkishin borxh. Nj\u00eb veprim v\u00ebrtet i r\u00ebnd\u00eb, por me an\u00eb t\u00eb t\u00eb cilit kishte q\u00ebllimin\nq\u00eb t\u00eb fitonte miq\u00ebsin\u00eb e tyre. K\u00ebshtu, kur zot\u00ebria i tij do ta nxirrte jasht\u00eb,\nai do t\u00eb mund t\u00eb kishte miq t\u00eb tjer\u00eb q\u00eb do ta pranonin n\u00eb pun\u00eb pran\u00eb tyre si\np\u00ebr t\u2019ia kthyer nder\u00ebn e b\u00ebr\u00eb. Veprim shum\u00eb i padrejt\u00eb, patjet\u00ebr, po q\u00eb tregoi\nnj\u00eb shkatht\u00ebsi t\u00eb madhe. Deri edhe vet\u00eb zot\u00ebrin\u00eb, t\u00eb mashtruarin, e befasoi kjo\nshkatht\u00ebsi e tij dhe Jezusi thot\u00eb se mori lavd\u00ebrim prej tij: \u00abE zot\u00ebria e l\u00ebvdoi mbar\u00ebshtuesin e\npadrejt\u00eb q\u00eb punoi aq me shkatht\u00ebsi.\u00bb<\/em> Nuk l\u00ebvdohet veprimi<\/em>, por shkatht\u00ebsia<\/em>\ne treguar.<\/p>\n\n\n\n Edhe vet\u00eb Jezusi duket sikur ka dashur ta\n\u201cl\u00ebvdoj\u00eb\u201d k\u00ebt\u00eb shkath\u00adt\u00ebsi, me q\u00ebllim q\u00eb t\u00eb na m\u00ebsoj\u00eb ne se si duhet ta\np\u00ebrdorim pasurin\u00eb q\u00eb kemi. Djali i vog\u00ebl, i kthyer n\u00eb sht\u00ebpi, tashm\u00eb patjet\u00ebr\nse pasurin\u00eb nuk e shihte m\u00eb si p\u00ebrpara. E kishte kuptuar se ajo ishte e\nrrejshme dhe se n\u00eb t\u00eb nuk mund t\u2019i vinte m\u00eb shpresat. Tashm\u00eb i duhej q\u00eb pasurin\u00eb\nta vinte n\u00eb sh\u00ebrbim t\u00eb di\u00e7kaje tjet\u00ebr m\u00eb t\u00eb madhe: n\u00eb sh\u00ebrbim t\u00eb bashkimit me\nt\u00eb atin, me t\u00eb v\u00ebllain dhe me t\u00eb gjith\u00eb ata q\u00eb kishte pran\u00eb.<\/p>\n\n\n\n E Jezusi vazhdon: \u00abFitoni p\u00ebr vete miq me an\u00eb t\u00eb pasuris\u00eb s\u00eb rrejshme t\u00eb k\u00ebsaj bote q\u00eb,\nkur kjo t\u2019ju mungoj\u00eb, t\u2019ju pranojn\u00eb n\u00eb banesat e amshuara.\u00bb<\/em><\/p>\n\n\n\n Ka njer\u00ebz q\u00eb p\u00ebr \u00e7ka nuk u shkon mendja vet\u00ebm e\nvet\u00ebm q\u00eb t\u2019i arrijn\u00eb q\u00ebllimet e tyre dinake dhe shpesh t\u00eb padrejta. Din\u00eb ta\nsjellin e ta p\u00ebrsjellin paran\u00eb e tyre dhe s\u2019l\u00ebn\u00eb gur pa l\u00ebvizur derisa ia\narrijn\u00eb q\u00ebllimeve t\u00eb veta. Pse ne t\u00eb krishter\u00ebt nuk mund t\u00eb m\u00ebsojm\u00eb nga ky zell\ni k\u00ebtyre njer\u00ebz? Patjet\u00ebr jo p\u00ebr t\u00eb synuar \u00ebndrra t\u00eb cek\u00ebta, por gj\u00ebra q\u00eb kan\u00eb\nv\u00ebrtet kuptim n\u00eb jet\u00eb. Pse nuk duhet ta p\u00ebrdorim imagjinat\u00ebn ton\u00eb n\u00eb p\u00ebrdorimin\ne pasuris\u00eb, me q\u00ebllim q\u00eb t\u00eb arrijm\u00eb gj\u00ebra t\u00eb thella, gj\u00ebra t\u00eb forta, gj\u00ebra q\u00eb e\nb\u00ebjn\u00eb njer\u00ebzimin t\u00eb ec\u00eb? <\/p>\n\n\n\n N\u00eb bot\u00ebn e sotme, ka njer\u00ebz q\u00eb b\u00ebjn\u00eb kursime t\u00eb\nm\u00ebdha p\u00ebr t\u00eb b\u00ebr\u00eb nj\u00eb her\u00eb n\u00eb jet\u00eb nj\u00eb or\u00eb gjiro me nj\u00eb makin\u00eb t\u00eb shtrenjt\u00eb.\nApo gjith\u00eb ata turist\u00eb q\u00eb japin me mij\u00ebra e miliona para vet\u00ebm p\u00ebr t\u00eb par\u00eb nj\u00eb\nvend interesant diku n\u00eb fund t\u00eb bot\u00ebs. Me sa pasion disa e p\u00ebrjetojn\u00eb nj\u00eb\n\u00ebnd\u00ebrr t\u00eb till\u00eb, e cila, n\u00eb fakt, ngjan me nj\u00eb loj\u00eb n\u00eb disa raste. Pse at\u00ebher\u00eb\nne nuk mund ta p\u00ebrdorim pasurin\u00eb ton\u00eb, sado e vog\u00ebl q\u00eb ajo t\u00eb jet\u00eb, p\u00ebr t\u00eb\nrealizuar gj\u00ebra shum\u00eb m\u00eb t\u00eb bukura se k\u00ebto? Ka vende ku nj\u00eb cop\u00eb rrug\u00eb e\nasfaltuar leht\u00ebson duksh\u00ebm jetes\u00ebn e kushedi se sa familjeve. P\u00ebr t\u00eb mos folur\np\u00ebr shkollimin, kultur\u00ebn, mjek\u00ebsin\u00eb, ndri\u00e7imin, uj\u00ebsjell\u00ebsat, kanalizimet,\nurat, etj. N\u00eb lidhje me ungjillizimin, pastaj, sa padituri ka n\u00eb bot\u00eb rreth\ngj\u00ebrave t\u00eb Hyjit, vet\u00ebm e vet\u00ebm se aty mungojn\u00eb librat dhe mjetet e tjera t\u00eb\ninformimit n\u00eb k\u00ebt\u00eb aspekt! E k\u00ebshtu at\u00ebher\u00eb shum\u00ebkush gjithnj\u00eb e m\u00eb shum\u00eb\nzhytet n\u00eb nj\u00eb jet\u00eb m\u00ebkatare. Mbase do t\u00eb mjaftonte vet\u00ebm nj\u00eb menazhim pak m\u00eb\nzem\u00ebrgjer\u00eb i pasuris\u00eb nga ana e disave, e shum\u00eb nga k\u00ebto gj\u00ebra t\u00eb bukura do t\u00eb\nrealizoheshin. Ajo porosia e Jezusit, at\u00ebher\u00eb, na fton q\u00eb \u201ct\u00eb mos flem\u00eb\u201d, por\nt\u00eb m\u00ebsojm\u00eb nga pasioni q\u00eb kan\u00eb disa njer\u00ebz p\u00ebr gj\u00ebra t\u00eb rrejshme. Na fton q\u00eb ne\nta p\u00ebrdorim k\u00ebt\u00eb pasion p\u00ebr gj\u00ebra t\u00eb q\u00ebndrueshme. Na qorton r\u00ebnd\u00eb ne t\u00eb\nkrishter\u00ebve shqet\u00ebsimi<\/em> i Jezusit n\u00eb\nk\u00ebt\u00eb aspekt: \u00abDhe, nj\u00ebmend, bijt\u00eb e k\u00ebsaj\nbote jan\u00eb m\u00eb t\u00eb kujtuesh\u00ebm n\u00eb marr\u00ebdh\u00ebnie t\u00eb shoqishoqme se bijt\u00eb e drit\u00ebs\u00bb<\/em>.\nNj\u00eb qortim q\u00eb sigurisht nuk d\u00ebshiron t\u00eb na shkurajoj\u00eb, por t\u00eb na nxis\u00eb gjithnj\u00eb\ne m\u00eb shum\u00eb t\u00eb programojm\u00eb p\u00ebrdorimin e pasurive tona materiale, intelektuale e\nshpirt\u00ebrore, p\u00ebr t\u00eb b\u00ebr\u00eb aq sa mundemi q\u00eb njer\u00ebzimi t\u00eb p\u00ebrparoj\u00eb n\u00eb njohjen e\nvetvetes e n\u00eb njohjen e Hyjit, \u00abvullneti\ni t\u00eb cilit \u00ebsht\u00eb q\u00eb t\u00eb sh\u00eblbohen t\u00eb gjith\u00eb njer\u00ebzit dhe t\u2019ia arrijn\u00eb njohjes s\u00eb\nt\u00eb v\u00ebrtet\u00ebs\u00bb<\/em>, si\u00e7 thot\u00eb Sh\u00ebn Pali sot n\u00eb leximin e dyt\u00eb. <\/p>\n\n\n\n Edhe leximi i par\u00eb na b\u00ebn ta shohim pasionin q\u00eb\nkan\u00eb disa njer\u00ebz p\u00ebr t\u00eb fituar para: \u00abD\u00ebgjoni\nk\u00ebt\u00eb ju, q\u00eb e shtypni skamnorin, q\u00eb shfryt\u00ebzoni nevojtar\u00ebt e vendit, ju q\u00eb\nthoni: Kur po kalon m\u00eb h\u00ebna e re, t\u00eb mund t\u2019i shesim mallrat? Edhe e shtuna e\nt\u00eb mund t\u00eb shesim grur\u00eb?\u00bb<\/em> Deri k\u00ebtu Shkrimi Shenjt d\u00ebshiron t\u00eb v\u00ebr\u00eb n\u00eb\ndukje ankthin e atyre njer\u00ebz p\u00ebr t\u00eb arritur dit\u00ebt e pazarit, dit\u00ebt e fitimit.\nGjithsesi, deri k\u00ebtu jo detyrimisht ka di\u00e7ka t\u00eb keqe. E, n\u00eb fakt, nuk ka asgj\u00eb\nt\u00eb keqe n\u00eb shqet\u00ebsimin p\u00ebr t\u00eb krijuar t\u00eb ardhurat e duhura p\u00ebr jetes\u00eb. Vet\u00eb\nmbar\u00ebvajtja e jet\u00ebs s\u00eb shoq\u00ebris\u00eb e k\u00ebrkon nj\u00eb gj\u00eb t\u00eb till\u00eb e k\u00ebt\u00eb mbar\u00ebvajtje e\ndo edhe Hyji. Sh\u00ebn Pali n\u00eb leximin e dyt\u00eb sqaron shum\u00eb bukur se, d\u00ebshira e\nHyjit \u00ebsht\u00eb q\u00eb \u00abta kalojm\u00eb jet\u00ebn t\u00eb qet\u00eb\ne t\u00eb paqt\u00eb, n\u00eb p\u00ebrkushti t\u00eb plot\u00eb dhe n\u00eb m\u00ebnyr\u00eb t\u00eb denj\u00eb\u00bb<\/em>. <\/p>\n\n\n\n Por Jezusi n\u00eb Ungjill ka kritikuar lakmin\u00eb e tepruar <\/em>p\u00ebr pasuri. Edhe n\u00eb\nleximin e par\u00eb sot gj\u00ebja q\u00eb Hyjin e shqet\u00ebson jan\u00eb hilet<\/em> q\u00eb njer\u00ebzit i b\u00ebjn\u00eb nj\u00ebri-tjetrin n\u00eb pazaret e ndryshme, hile\nq\u00eb \u00e7udit\u00ebrisht edhe sot jan\u00eb krejt\u00ebsisht t\u00eb ngjashme: \u00abT\u00eb zvog\u00eblojm\u00eb mas\u00ebn e t\u00eb shtojm\u00eb siklin, t\u00eb p\u00ebrdorim peshore t\u00eb\nrrejshme, p\u00ebr t\u2019i bler\u00eb skamnor\u00ebt me para, t\u00eb vobektin me nj\u00eb pal\u00eb k\u00ebpuc\u00eb, t\u2019i\nshesim edhe t\u00eb hedhat e grurit!\u00bb<\/em> Mashtrimi n\u00eb pazar \u00ebsht\u00eb nj\u00eb nd\u00ebr m\u00ebkatet\nq\u00eb edhe sot vazhdon t\u00eb b\u00ebhet me shumic\u00eb. Disa, madje, k\u00ebto fitime t\u00eb padrejta i\njustifikojn\u00eb deri edhe teologjikisht: \u00abE\nka dh\u00ebn\u00eb Zoti t\u00eb fitohet buk\u00ebs e goj\u00ebs\u00bb<\/em>. Por me fjal\u00ebt \u00abbuk\u00ebn e goj\u00ebs\u00bb<\/em> n\u00ebnkuptojn\u00eb lukse e tepri t\u00eb pafund.<\/p>\n\n\n\n \u00abT\u00eb\nblejm\u00eb skamnor\u00ebt … me nj\u00eb pal\u00eb k\u00ebpuc\u00eb\u00bb<\/em>: i varf\u00ebri, kur nuk ka alternativ\u00eb tjet\u00ebr, mund t\u00eb punoj\u00eb me or\u00eb t\u00eb\ngjata edhe vet\u00ebm p\u00ebr nj\u00eb fitim tejet t\u00eb ul\u00ebt. S\u2019ka nga shkon tjet\u00ebr. Si e v\u00ebn\u00eb\npasurin\u00eb e majme vendet e zhvilluara? E dim\u00eb t\u00eb gjith\u00eb se e arrijn\u00eb k\u00ebt\u00eb duke\nshfryt\u00ebzuar n\u00eb kulm vendet e varfra dhe duke nd\u00ebrtuar atje fabrika p\u00ebr t\u00eb\nshfryt\u00ebzuar forc\u00ebn e tyre pun\u00ebtore kundrej rrogave q\u00eb, n\u00eb vendet e tyre, \u00e7mohen\nsi qesharake. K\u00ebsaj i thon\u00eb t\u00eb \u00abblesh\nskamnor\u00ebt\u00bb<\/em>. E pastaj thon\u00eb se \u00ebsht\u00eb zhdukur skllav\u00ebria!<\/p>\n\n\n\n Ja, pra, se sa shum\u00eb rropaten e st\u00ebrmundohen\nnjer\u00ebzit p\u00ebr t\u00eb fituar at\u00eb q\u00eb, n\u00eb fakt, \u00ebsht\u00eb e rrejshme. Shum\u00eb m\u00eb tep\u00ebr,\nat\u00ebher\u00eb, ne t\u00eb krishter\u00ebt duhet t\u2019i japim vetes p\u00ebr t\u00eb arritur (me p\u00ebrdorimin e\npasuris\u00eb) gj\u00ebra t\u00eb qendrueshme e t\u00eb p\u00ebrjetshme. Askush nuk duhet t\u00eb ndjehet i\np\u00ebrjashtuar nga kjo ftes\u00eb e Jezusit. Ai q\u00eb ka m\u00eb pak pasuri, do t\u00eb thot\u00eb q\u00eb do\nt\u00eb b\u00ebj\u00eb m\u00eb pak, por jo asgj\u00eb. \u00abNuk jemi\nt\u00eb pasur p\u00ebr at\u00eb q\u00eb zot\u00ebrojm\u00eb, por p\u00ebr at\u00eb nga e cila jemi t\u00eb zot\u00ebt t\u00eb heqim\ndor\u00eb.\u00bb<\/em>, thoshte Emanuel Kant, filozofi i madh gjerman e shekullit XIX.<\/p>\n\n\n\n N\u00ebse do t\u00eb dim\u00eb ta p\u00ebrdorim p\u00ebr q\u00ebllime t\u00eb larta\ne t\u00eb shenjta pasurin\u00eb materiale e t\u00eb kalueshme q\u00eb mund t\u00eb na e ket\u00eb dh\u00ebn\u00eb Zoti,\nat\u00ebher\u00eb Ai do t\u00eb na e besoj\u00eb edhe pasurin\u00eb e p\u00ebrjetshme: \u00abKush \u00ebsht\u00eb besnik n\u00eb sende t\u00eb vogla, \u00ebsht\u00eb besnik edhe n\u00eb sende t\u00eb\nm\u00ebdha; e kush nuk \u00ebsht\u00eb besnik n\u00eb sende t\u00eb vogla, ai nuk \u00ebsht\u00eb besnik as n\u00eb\nsende t\u00eb m\u00ebdha\u00bb<\/em>. Si t\u00eb thoshte se, sa her\u00eb q\u00eb na \u00ebsht\u00eb v\u00ebn\u00eb n\u00eb duar ndonj\u00eb\npasuri, \u00ebsht\u00eb si nj\u00eb prov\u00eb, ku Hyji d\u00ebshiron t\u00eb shoh\u00eb zem\u00ebrgjer\u00ebsin\u00eb ton\u00eb, p\u00ebr\nt\u00eb par\u00eb n\u00ebse jemi apo jo t\u00eb denj\u00eb p\u00ebr trash\u00ebgimin\u00eb e pranis\u00eb s\u00eb Tij: \u00abPo qe se nuk u d\u00ebftuat besnik\u00eb n\u00eb pasurin\u00eb\ne rrejshme, kush do t\u2019ua besoj\u00eb pasurin\u00eb e v\u00ebrtet\u00eb? Po qe se nuk u d\u00ebftuat t\u00eb\nbesuesh\u00ebm n\u00eb gj\u00ebn\u00eb e huaj, kush do t\u2019ua jap\u00eb tuaj\u00ebn?\u00bb<\/em> <\/p>\n\n\n\n Sa bukur: mua personalisht m\u00eb prek shum\u00eb kjo\nfjali e thell\u00eb e Jezusit, n\u00eb t\u00eb cil\u00ebn Ai, pasurit\u00eb e k\u00ebsaj bote, i quan t\u00eb huaja<\/em> dhe thot\u00eb se pasuria jon\u00eb e v\u00ebrtet\u00eb qenka lumturia e\nParajs\u00ebs<\/em>. Gjith\u00e7ka q\u00eb paskemi n\u00eb k\u00ebt\u00eb jet\u00eb, qenka si e huaja, duke qen\u00eb se\nnj\u00eb dit\u00eb do t\u00eb mbetemi pa t\u00eb! Kurse lumturia e amshuar e Parajs\u00ebs, trash\u00ebgimia\ne pranis\u00eb s\u00eb Hyjit me t\u00eb gjith\u00eb engj\u00ebjt dhe shenjt\u00ebrit e Tij, qenka e vetmja\ngj\u00eb v\u00ebrtet e jona, e b\u00ebr\u00eb gati p\u00ebr ne<\/em>!\n<\/p>\n\n\n\n Nj\u00eb \u00e7ift i sapomartuar n\u00eb Indi, shkoi nj\u00eb dit\u00eb te N\u00ebn\u00eb Tereza dhe i dha asaj gjith\u00eb shpenzimet q\u00eb kishte menduar t\u00eb b\u00ebnte p\u00ebr dasm\u00ebn e vet dhe gjat\u00eb muajit t\u00eb mjaltit, por q\u00eb tani kishte vendosur t\u2019ia dhuronte asaj p\u00ebr t\u00eb ndihmuar sadopak t\u00eb varfrit e saj. E preku shum\u00eb N\u00ebn\u00ebn e dashur ky gjest, aq sa shpesh ajo e tregonte publikisht at\u00eb. Sa ndryshe do t\u00eb ishte bota sikur shum\u00ebkush do t\u00eb dhuronte edhe shum\u00eb m\u00eb pak se kaq! Jezusi n\u00eb Ungjill sot porosit: \u00abFitoni p\u00ebr vete miq me an\u00eb t\u00eb pasuris\u00eb s\u00eb rrejshme t\u00eb k\u00ebsaj bote q\u00eb, kur kjo t\u2019ju mungoj\u00eb, t\u2019ju pranojn\u00eb n\u00eb banesat e amshuara!\u00bb<\/em> Nuk \u00ebsht\u00eb e sigurt n\u00ebse ai \u00e7ift i ri indian e ka njohur k\u00ebt\u00eb th\u00ebnie t\u00eb Jezusit, por patjet\u00ebr \u00ebsht\u00eb e sigurt se e ka zbatuar at\u00eb.<\/p>\n\n\n\n Dom Dritan Ndoci E DIELA XXV GJAT\u00cb VITIT C Am 8, 4-7; Ps 113 (112); 1 Tim 2, 1-8; Lk 16, 1-13 T\u00eb diel\u00ebn e kaluar kemi d\u00ebgjuar pjes\u00ebn ungjillore ku Jezusi tregon tri sh\u00ebmb\u00eblltyra q\u00eb na shprehin g\u00ebzimin e Hyji p\u00ebr kthimin e nj\u00eb m\u00ebkatari. Sh\u00ebmb\u00eblltyra e fundit ishte ajo e babait q\u00eb kishte dy djem. P\u00ebr … <\/p>\n
<\/p>\n","protected":false},"excerpt":{"rendered":"